1 Каднебӧг 2 - Коми Библия 2023

Иудасянь чужысьяс

¹ Израильлӧн вӧліны Рувим, Симеон, Левий, Иуда, Иссакар, Завулон,

² Дан, Ӧсип, Венямин, Неффалим, Гад да Асир пиян.

³ Иудалӧн вӧліны Ир, Онан да Шелай пиян. Тайӧ куим писӧ чужтіс сылы ханаанса Шуалӧн нылыс. Ир, Иудалӧн медводдза пиыс, эз вӧв шогмана Господьлы, и Господь бырӧдіс сійӧс.

⁴ Иудалӧн Фамар нима моньыс чужтіс сылы Паресӧс да Зерахӧс. Ставнас Иудалӧн вӧлі вит пи.

⁵ Пареслӧн вӧліны Хецрон да Хамул пиян.

⁶ Зерахлӧн вӧлі вит пи: Зимри, Этан, Еман, Калкол да Дара.

⁷ Кармилӧн вӧлі Акар нима пи. Сійӧ торкис Господьлы сиӧмтор йылысь тшӧктӧмсӧ, та вӧсна вайис шог Израильлы.

⁸ Этанлӧн вӧлі Азарий нима пи.

⁹ Хецронлӧн чужисны Ерахмеэл, Рам да Келувай пиян.

¹⁰ Рамлӧн чужис Аминадав, Аминадавлӧн – Наашон. Наашон вӧлі Иуда чужанкотырлӧн юралысь.

¹¹ Наашонлӧн чужис Салмон, Салмонлӧн – Вооз.

¹² Воозлӧн чужис Овид, Овидлӧн – Ессей.

¹³ Ессейлӧн медводдза пиыс вӧлі Элиав, мӧдыс – Авинадав, коймӧдыс – Шимей,

¹⁴ нёльӧдыс – Нафанаил, витӧдыс – Раддай,

¹⁵ квайтӧдыс – Оцем, сизимӧдыс – Давид.

¹⁶ Налӧн вӧліны Саруя да Авигея чойяс. Саруялӧн вӧлі куим пи: Авишай, Йоав да Асаил.

¹⁷ Авигея чужтіс Амессайӧс. Амессайлӧн Етер батьыс вӧлі измаил войтырысь.

¹⁸ Хецронлӧн Калев пилы Азува да Ериота гӧтыръясыс чужтісны Ешер, Шовав да Ардон пиянӧс.

¹⁹ Азува кулӧм бӧрын Калев босьтіс гӧтырӧ Ефрафаӧс. Сійӧ чужтіс Калевлы Хурӧс.

²⁰ Хурлӧн чужис Ури, Урилӧн – Безалел.

²¹ Кор Хецронлы вӧлі квайтымын арӧс, сійӧ босьтіс гӧтырӧ Макирлысь нывсӧ. Макир вӧлі Галаадлӧн бать. Макирлӧн нылыс чужтіс Хецронлы Сегувӧс.

²² Сегувлӧн чужис Яир. Галаад муын Яирлӧн вӧлі кызь куим кар.

²³ Но гешурсаяс да арамейяс босьтісны Яирлысь сиктъяссӧ, Кенат кар да сыгӧгӧрса квайтымын сикт. Став тайӧ кар-сиктас олісны Галаадлӧн Макир батьсянь чужысьяс.

²⁴ Хецрон куліс Калев-Епрафаын. Сылӧн кулӧм бӧрын Авия гӧтырыс чужтіс Ашхур пиӧс. Ашхурлӧн чужис Текоя нима пи.

²⁵ Хецронлӧн медводдза пиыс вӧлі Ерахмеэл. Ерахмеэллӧн медводдза пиыс вӧлі Рам, нӧшта сылӧн вӧліны Бунах, Орен, Оцем да Ахий пиян.

²⁶ Ерахмеэллӧн вӧлі нӧшта мӧд гӧтыр, сійӧс шуисны Афара. Сійӧ вӧлі Онамлӧн мамыс.

²⁷ Рамлӧн, Ерахмеэллӧн медводдза пилӧн, вӧліны Маац, Ямин да Экер пиян.

²⁸ Онамлӧн вӧліны Шаммай да Ядай пиян. Шаммайлӧн вӧліны Надав да Авишур пиян.

²⁹ Авишурлӧн вӧлі Авихаиль нима гӧтыр, коді чужтіс сылы Ахбанӧс да Молидӧс.

³⁰ Надавлӧн вӧліны Селед да Афайм пиян. Селедлӧн эз вӧв челядьыс.

³¹ Афаймлӧн вӧлі Иший нима пи, Ишийлӧн – Шешан, Шешанлӧн – Ахлай.

³² Ядайлӧн, Шаммай воклӧн, вӧліны Етер да Ионафан пиян. Етерлӧн эз вӧв челядьыс.

³³ Ионафанлӧн вӧліны Пелет да Заза пиян. Ставныс найӧ вӧліны Ерахмеэлсянь чужысьяс.

³⁴ Шешанлӧн эз вӧвны пияныс, вӧліны сӧмын нывъяс. Шешанлӧн вӧлі Ярха нима египетса кесйӧг,

³⁵ кодлы сійӧ сетіс ассьыс нывсӧ гӧтыр пыдди. Гӧтырыс чужтіс Ярхалы Аттайӧс.

³⁶ Аттайлӧн чужис Нафан, Нафанлӧн – Завад,

³⁷ Завадлӧн – Ефлал, Ефлаллӧн – Овид,

³⁸ Овидлӧн – Еху, Ехулӧн – Азарий,

³⁹ Азарийлӧн – Хелец, Хелецлӧн – Элас,

⁴⁰ Эласлӧн – Сисмай, Сисмайлӧн – Шаллум,

⁴¹ Шаллумлӧн – Екамий, Екамийлӧн чужис Элишам.

⁴² Калевлӧн, Ерахмеэл воклӧн, медводдза пиыс вӧлі Меша, Зифлӧн бать. Хевронлӧн Мареш батьсянь чужысьясыс татшӧмӧсь.

⁴³ Хевронлӧн вӧліны Корей, Таппуах, Рекем да Шемай пиян.

⁴⁴ Шемайлӧн чужис Рахам. Рахам вӧлі Иоркеамлӧн бать. Рекемлӧн чужис Шаммай.

⁴⁵ Шаммайлӧн вӧлі Маон нима пи, Маонлӧн – Бет-Цур.

⁴⁶ Калевлӧн Эфа нима кесйӧг-гӧтырыс чужтіс Харанӧс, Моцайӧс да Газезӧс. Харанлӧн тшӧтш вӧлі Газез нима пи.

⁴⁷ Ягдайлӧн вӧліны Регем, Иотам, Гешан, Пелет, Эфай да Шааф пиян.

⁴⁸ Калевлӧн Маака нима кесйӧг-гӧтырыс чужтіс Шеверӧс, Тирханӧс,

⁴⁹ Шаафӧс да Шевайӧс. Шааф вӧлі Мадманлӧн бать, Шевай – Макбенлӧн да Гивлӧн бать. Калевлӧн сідзжӧ вӧлі Акса нима ныв.

^50-51 Ставныс найӧ – Калевсянь чужысьяс. Хур вӧлі Ефрафалӧн медводдза пиыс. Хурлӧн вӧліны Шовал, Салмон да Хареф пиян. Шовал вӧлі Киръят-Яримлӧн бать, Салмон – Виплиемлӧн бать, Хареф – Бет-Гадерлӧн бать.

⁵² Шоваллӧн, Киръят-Яримлӧн батьыслӧн, чужис нӧшта Хароэ. Шовал рӧдысь петісны тшӧтш Манахатын джын олысьыс.

⁵³ Киръят-Ярим рӧдысь петісны итрияс, путъяс, шуматъяс да мишрайяс. Насянь чужисны Цора да Эштаол каръясын олысьяс.

⁵⁴ Салмонлӧн чужисны Виплием да Атрот-Бет-Йоав пиян, сысянь петісны тшӧтш нетофасаяс да цораяс – манахатса джын олысьыс.

⁵⁵ Ябецын олысь соферъяссянь чужисны тирейяс, шимейяс да сукатъяс. Найӧ вӧліны кенейяс, Хамматсянь чужысьяс, Рекав рӧдысь.