TOBIT 1 - BUKUIT NE TILIIL Sireet ne Dutero Kanon

¹ Mwaei kitabuuni agobo sabeetap Tobit weeriitap Hananiel ne ineendet ko ki weeriitap Aduel weeriitap Gabael weeriitap Raphael che icheek ko iyoteetap Asael, ne po pororyetap Naphtali.

² Kingo eng' peetuusyegap Laitoryat Shalmaneser ne po piigap Assyria ko ki kiluul Tobit eng' Thisbe, ne mi murot tai ne po Kedesh eng' Naphtali eng' murot kataam ne po Galilaya, meto ne po Asher kotokyigei cherongo ak murot kaataam ne po Phogor.

³ Ki awendotee anee Tobit ortinwegap imanda ak ayae imanit peetuusyek tugul che po sabeennyu. Ki ayachi poisyonigap rireenet che kitupche ak piikyuk che kiga kimutech ko ki luulenik keebe Nineveh emetap pororyetap Assyria. Ye ki ami emennyu, emetap Israel, ye kita ko aa neran, ko ki pagaach pororyet tugul ne po chiitap ooreennyu Naphtali kootap Daudi ak Jerusalem. Nganasani, ko kiga kelewen eng' pororyosyegap Israel tugul koek ole igoitoe tiseiywek icheek tugul ak koek kapkorosuut ole menyei Kamuktaindet, ole ki kitabaan ak keyai kobunji ibinwek tugul agoi koigeny.

⁴ Ye kingami emet nootonyu, eng' emetap Israel, ye kingo ta ko aa neran, koging'eetyo pororyet komugul ne po chiitap ooreennyu Naphtali kometo kootap Daudi ak nganaseetap Jerusalem koek kipkubere. Nganasaniito ko kiga kelewen eng' pororyosyegap Israel tugul, koek ole nyolu kogoitoen tiseiywek ak koek Hekaluut, ole menyei Kamuktaindet, ole ki kitabaan ak kechop kobunji ibinwek tugul agoi koigeny.

⁵ Ki ng'eetyo piigap ooreennyu tugul ak che po kootap Naphtali kogoochi tiseiywotap moita ne kigachop laitoryat Jeroboam ne po Israel eng' Dan ak eng' tuloonook tugul che po Galilaya.

⁶ Ago ki cham awendi aneege Jerusalem ye mi igoorwek ko uu ye kimagaat eng' Israel komugul eng' ng'atuutyet ne po koigeny. Ki cham achoktoi awendi Jerusalem aibe tongoanigap kesuutik ak taiwegap kiyagiik, konunoigap tuuga, ak sabureek che tai che po keechiir.

⁷ Ki cham agoochini chuuto tisiik, weeriigap Aron eng' kaptisiisyo; kora ko ki agoochini weeriigap Levi che icheek ko ki cham koboisyei eng' Jerusalem kebebertap taman che po peek, divaik, mwanigap sabibuk, logoek che kiguure pomegranates, mogoonik kobooto ng'etunenik tugul che po logoek. Kora eng' kenyiisyek lo ko ki agonor kebebertap taman ne po aeng' robiinik ak aip apcheite eng' Jerusalem.

⁸ Kebebertap taman ne po somok, ko ki agoochini che ma tinyei sigiik ak mosogiik kobooto icheek che ki pwa kobun pororyosyek alak ak koyaan kayaneetap Israel. Ki cham aibu ak agoochi icheek eng' kenyiitap somok, ak ki cham keame kosupkei ak ng'ateet ne ki king'at eng' ng'atuutyetap Musa ak ng'ateet ne ki ng'at Deborah, ne kametap kwandanyu Tobiel, amu kiga kome kwandanyu ak kometo koma tinye sigiik.

⁹ Ye kinga egu muren, ko ki atun kwony ne ineendet ko ki po koonnyo, ak kisikwo ineendet weeriit ne ki aa kuure Tobias.

Kamutetap luulenik agoi Ninevah

¹⁰ Ye kingo kagemuta eng' luulenatet awo Assyria ak aitu Nineveh ko aa chii ne ki kiluul, ko king'eetyo piigap ooreennyu komugul kobooto piikyuk ak kwam amitwogigap pororyosyek alak.

¹¹ Ago ki ariipkei ne ma aam amitwogigap pororyosyek alak.

¹² Amu ki ateegisi Kamuktaindet eng' mugulelndonyu tugul,

¹³ ko ki koono Ineendet Ne Toroor Miising' riirge ak chameet eng' Shalmaneser, ak ki cham aa ale kiy age tugul ne kimachei.

¹⁴ Agoi kogesugei inee, ko ki cham awendi agoi Media, ak aa alji ineendet eng' olooto. Ye kingami emetap Media ko ki amete lolotinwegap fedha che kamanuutyennyi ko talendainik taman ametochi Gabael, ng'eetap kam ne po Gabri.

¹⁵ Ago ye kingo me Shalmaneser ak koip laitornatennyi weeriinnyi Sennacherib, ko ki ek ng'oi ortinwek che pendi Media, ak matamuuch awo olooto.

Nyiganateet ye kigonoori che kabek

¹⁶ Eng' peetuusyegap Shalmaneser, ko ki ayachi che myach piigap ooreennyu, icheek che po pororyennyu.

¹⁷ Ki agoochini amitwogik icheek che ki amei rubo ak agoochi ngoroik che ilaachi icheek che kibendi aach ngor; ak kinga roo muusto ne po piikyuk ne kagi wiirchi irimeetap Nineveh let, ko ki atube.

¹⁸ Ki cham kora atube chii age tugul ne kigabar laitoryat Sennacherib ye kinyonei komween kirwoogetap laitoryatap kipsengwet eng' ineendet kosupkei ak ngelelnatennyi. Amu eng' nereegekyik, ko ki par ooindap piigap Israel; ago ki cham acheru poorwek eng' ung'oot ak atube. Ko uu nooto, ko kingo cheeng' Sennacherib poorwechooto kogi ma konyooru.

¹⁹ Ki ng'eet anyun chii agenge ne salu Nineveh ak kong'wektaa komwachi laitoryat agobo yautyennyu, kole cham atube poorwegap piik; ara ki aunygei anyun. Ago kinganai ale kagonai laitoryat agobo anee ak anai ale kicheeng'o si kebara, ko ki aaragen ak alabat amwei.

²⁰ Ki kinam anyun tuguukyuk tugul; ma ng'et kiy ne ma kiip ole kigonoren chepkondok eng' kaplaitoryat kot koek kwondonyu Annah ak weeriinnyu Tobias.

²¹ Ago ma siirto peetuusyek artamu koma par `weeriik aeng' che po Sennacherib ineendet ak korwochi tuloonoogap Ararat, ak ki namji laitornatet weeriinnyi Esarhaddon. Ki lewen Ahikar, weeriitap ne kitupche Hanael konom mogarnatetap emennyi, ak kosich kimnateetap kandoinatet tugul.

²² Kisoomwa Ahikar aweek, ak ki aweege Nineveh. Ahikar, ko ki ne namu kigombetap divaik, ki konoriindetap kiit ne king'okseen ak ki teleljin poisyetap robiinik eng' kaplaitoryat Sennacherib ne po Assyria; ki lewen ineendet kogeny Esarhaddon. Ki tilyennyu ne neegit; weeriitap tupchennyu.