२ तिमोथि INTRO1 - जुम्लीकिताबको राइनपैचान रोम भुन्न्या ठौरमै दोर्स्हो चोटि थुनामै भयाबेला, पावलले तिमोथिकन यइ दोर्स्हो चिठिक लेख्या छिया। तेइबेला तिमोथि एफिसस सहरमै भया ख्रिस्टियान मन्डलिको एक मुख्य अगुवा छिया। यइमै तिमोथिकन परमेसोरकन मान गरि ख्रिस्ट इसुको बार्यामै प्रमान दिनुपड्न्या, उनुको राम्मो रैबार र करारको स्हाँचो सिच्छ्यामै भइरन, दुख र बिरोद आया पुनि आम्नो जिम्माको काम गन्न हौसला दियाछ। तिमोथिकन यइ चिठिकमै खास गरि “सुन्सारका मुर्ख कुडाहरुबाट” जोगिन होसियार हुनु भुन्याछुन्। यइथा मुर्ख कुडामै बोलाबोल गन्न्याहरुकन स्हुन्नु केइ फाइदा नाइ यइले नास गद्दोछ। यिँ स्हबै कुडाका बार्यामै पावलले तिमोथिकन उनुको जिबन र उदेस्याका प्रमान, उनुको बिसास, स्हन स्क्न्या तागत, माया र दुख पाया बेलाको स्हुम्जना आउन्छ। छोटो सुचि राइनपैचान १:१-२ गुनगान र बिन्ति १:३—२:१३ स्हल्ला र चेताउनि २:१४—४:५ पावलको आम्नो हालत ४:६-१८ उन्तिम ४:१९-२२ |
© 2024 (Active), Mother Tongue Translators Society and Wycliffe Bible Translators, Inc. All rights reserved.
Wycliffe Bible Translators, Inc.