Tito INTRO1 - Biblía Axweesantá Hhohho' ar Mungú 2004Alki/ituú niiná daanduú barwiito'oorihe Tito a heé xoordaá hatlá' oo Yesu Kristo gwaa haratlintii'. Inós nee Paulo tina alkoomaakoné' baraá alki/ituú ya/abtór hhoe, nee guri alee/iimiís. Paulo baraá barwiito'oorihe Tito guna báy, «Garmaaeé' oo kilá' baraá haratlintaaoorí ni koomana.» Inós Tito guna geexáy baraá yaamaá Krete as gadiyér aa met ngiwa alhhe'eesi. Tito kuna inslawtís daanduú tlehhma'aá hariimá' dír múk ta geeraharuusér kríshaanáy wa qaasi. Tito kuna malé inslawtís adór múk daa'awemaá dimbadimbé oo kríshaanáy kur intsaahhatimisi, adór bariise, nee amam'aá uren, nee /ameenár ninakw, nee daaqaay nee lawaale. Tito kuna malé hara'ayín daanduú adór kríshaanáy kuwa hariím, kawa ak ure inooín masók a múk wayduú slaá' nee mulqe, nee aahhi ngiwa maya', nee tlaampa'aamisuwo, nee partlitooro baraá kaniísaro. Digir wakeetíngw barwiito'oorí: Axweesanoó geera 1:1-4 Geeraharuusér Kaniísa 1:5-16 Gadiyér múk daa'awemaá dimbadimbé baraá Kaniísaro 2:1-15 Hara'aya nee gurbu'uungw 3:1-11 Alhhe'eesaay 3:12-15 |
The Bible in Iraqw © Bible Society of Tanzania, 2004.
Bible Society of Tanzania