NEHEMIA INTRO1 - Biblía Axweesantá Hhohho' ar Mungú 2004Alki/ituú niiná daanduú kitaábuuwihe Nehemia a geeraharusmoó iia tleér oo waawutmoó Artashasta oo yaamaá Persia gwaa sagadiyuus. Inós kuna pa/aángwií haniís nee waawutmoowós iwa watli baraá yaamuuwós as tawa ga/aawusmoó yaamuuwós awa Yuda, nee kángw mukós nguwa sagesihhiiti. Kitaábuuwí gár i alki/iiti a alki/ituú alhhe'eesáy baraá Alqadór Qarene, afiqoomár kureeraá 430, geeraá Kristo kuwa laqwaaliiká. Nehemia iwa hardáh baraá yaamaá Yuda, inós nee mukós bahh'ale tina dabe oohiyé' koo/ír gixsár Yerusalemu kawa tleehhi. Qoomaadae tam inós kwa ii haratlaatlayi nee wakuuser'ín, ala inooín gadiyeé ngaa mayi'iiká. Nehemia a geeraharusmoó Munguúwós gu ló'wa firariím. Adoorí baraá kitaábuuwihe kaa geehhoeés sagaáwa mibaá nee wak. Digir wakeetíngw kitaábuuwí: Nehemia iwa Yerusalemúrií kií/ 1:1—2:20 Koo/ír gixsár Yerusalemu kawa /abeés tlehhmuwo 3:1—7:73 Hara'aya kawa soomuús nee alqado kawa /abeés 8:1—10:39 Gadiyér hatlá' ar Nehemia aa tleéhh 11:1—13:31 |
The Bible in Iraqw © Bible Society of Tanzania, 2004.
Bible Society of Tanzania