Filipi INTRO1 - Biblía Axweesantá Hhohho' ar Mungú 2004Alki/ituú niiná daanduú barwiito'oorihe Qoomár Paulo iwa baraá tseegamoórií dirii'i barwiito'ór wák ar aa baraá tseegamór wa gooín a tír Filipi. Qoomár Paulo ya/abtór hho' ngiwa alki/iít baraá gixsár Filipiro, múk Yesu gwa hartlintii' a Lidya nee xuumusmoó doó tsegma, nee múk do'ós. Aluudae múk aa haratlintii' aa doogín, tam geeraharuuse nee alee/isuusér múk kríshaanáy kari qaás. Paulo barwiito'oorí gana gooín ar qwala/, asma kángw kríshaanoó baraá Filipi nguwa axaás dír Epafrodito wa ale. Baraá barwiito'oorihe qwala/ ina haáts (4:4). Baraá barwiito'oorihe sleeme Paulo in múk Filipír sluufmiis as nguwa alee/isáy haniisiyé' (4:18). Paulo alee/isaywí oo amór múk Filipír daáhh ngwa sláy a sagaáwa wakeeká (4:16). Gawaá adoorihe gana slaá' múk Filipi nguwa sluufisi nee nguwa muunií qaasi, as adoodá' tawa dinku'uús baraá gadiyér Ya/abtór hho' alki/ituwo, nee as Paulo nguwa inslaslaya'. Baraakae Paulo sleeme kríshaanáy guna gurbu'ún daanduú intsaahhatisár lamto, as kahhó' intsaahhatisadár múk Yahudi makawa iiárií qaás (3:1—4:1). Digir wakeetíngw barwiito'oorí: Axweesanoó geera 1:1-11 Kángw daanduú Paulo 1:12-26 Slafiingw an Kristo 1:27—2:18 Kángw Timoteo nee Epafrodito taa qoomeés 2:19-30 Gurbu'uungw daanduú wakuuse nee tsaxwa 3:1—4:9 Paulo nee mulqeerós ar múk Filipi 4:10-20 Alhhe'eesaay 4:21-23. |
The Bible in Iraqw © Bible Society of Tanzania, 2004.
Bible Society of Tanzania