Filemoni INTRO1 - Biblía Axweesantá Hhohho' ar Mungú 2004Alki/ituú niiná daanduú barwiito'oorihe Filemoni a kríshaanmoó daqaarmo oo iiatleér. Inós i ya/aán tawa heé gixsár Kolosai. Inós i lawaalmoó kón, umuuwós a Onesimo. Lawaalmoowí doó Filemoni guna geexáy iri /akuút. Ala qoomaadae umuúqo heé lawaalmoó kooma, lawaalmoowós guna layaárií qaás as miwa qwaár, tam Onesimo sleeme kuna adoorí laáq. Slám lawaalmoó aa /akuut doó aakoowós wa ale bur kwa óh, slahh'eemisuú i slay ku hatlá'. Gawaá adoorihe qoomár Paulo iwa baraá tsegmií dirii'i Onesimo nee Paulo tiri slayé', Onesimo axweesantá Mungú gari haratlintií'. Paulo barwiito'oorí gari gooín amór Filemoni, as Onesimo nguwa ilaoohi ala munguwa gaárí iinuús. Guri báy, «Aáng Onesimo kuúng u gaa wa buiiká, ala hamí kuúng u ló'wa gaa wa buu'.» (Onesimo gídaabaárós a «Heé u gaa wa buú'.») Paulo Filemoni guna kaangwí gooín as lawaalmoowós kwí nguwa malé ilaoohi ar sla'aari adór kríshaanáy kuwa hariím. Digir wakeetíngw barwiito'oorí: Axweesanoó geera 1:1-3 Filemoni kuwa xirfayeés 1:4-7 Firo as Onesimo 1:8-22 Alhhe'eesaay 1:23-25 |
The Bible in Iraqw © Bible Society of Tanzania, 2004.
Bible Society of Tanzania