DANIELI INTRO1 - Biblía Axweesantá Hhohho' ar Mungú 2004Alki/ituú niiná daanduú kitaábuuwihe Kitaábuú Danieli kuwa gooín a qoomár múk Yahudi tawa baraá slahh'amuú yaariírií dirii'i, qoomár waawuti'iimár waawutmoó Munguú xuaaká. Goousmo gooirí gana gooín ar iigu'utu as muu nguwa gurkwa/asi adór slahh'amaaye ir fák, nee adór waawuti'iimár Mungú nir kí/ dír mukós. Gooír kitaábuuwí i baraá kalamboó tsár: Kalambír geera a daanduú kángw Danieli nee hhaeewós kookaariya' tám awa tara tláy ay baraá Babuloni. Inooín Mungú nguna haratlintii'iyé', nee nguna ilaiwawa/iyé', arba/ati ngiri slayé' daanduú wakuuser'ín tidár Babuloni, nee ar múk Persiaro. Kalambír tsár a daanduú iigu'utuú Mungú aa laqán dír Danieli. Inós kángw waawuti'iimár ni aluúwaá hardah guna ár, nee waawuti'iima bahh'ale in huuhu'uún. Waawuti'iimadár iimu/uungw an waawuti'iimár múk Babuloni, nee adór waawuti'iimár waawutmoodá' Mungú gu xuaaká ir i fák, aluuwo baali tari ar múk Mungú. Digir wakeetíngw kitaábuuwí: Danieli nee mulqeerós 1:1—6:28 Iigu'utuú Danieli 7:1—11:45 (a) Makaá tsiyáhh 7:1-28 (b) Gwaanda nee gurta 8:1—9:27 (c) Ya/abusmoó gawaá doori 10:1—11:45 De'emaá alhhe'eesaay 12:1-12 |
The Bible in Iraqw © Bible Society of Tanzania, 2004.
Bible Society of Tanzania