DAHARUSMO INTRO1 - Biblía Axweesantá Hhohho' ar Mungú 2004Alki/ituú niiná daanduú kitaábuuwihe Goousmoó kitaábuuwí adór slafíngw hee kur afhhamít gana alqaytsiít, áx adór hee ir bu'uuti, nee qwala/ ngur slay? Gár afhhamít baraá slafiingo a milá? Heewí aldakwiiri gár ngira iimu/ún a gurhaami, nee muruú aluúwaá hi'iít nguwa aldakuuti. Slafíngw hee ku ququmaár nee dawitameero aa haáts. Sagalooarose gari tsaáhh adór muruuwí kur gawdén. Iri oó', «Umuú gaaro a tawór huwisha.» Baraá aldakwiirirose gari tsaáhh adór muruú Mungú aa qoomeés ngur aleeslayká tsaahharo, Munguúdá' muruú tleehharumiít baraá yaamuwo gun geeraharahaár. Tam adoorihe inós muu gun dukún gadiyeé kawa tleehhi nee qeemuú Mungú aa haniís nguwa saqwalaala/iya' baraá slafingw'ine. Inslawoó daharusmoowí i baraá dawitame nee xure. Tam adoorihe inslawoó amór Mungú gwaa mayká, muu guri gurbuú', iri oó', «Mungú ilaiwawa/eek nee hara'ayaarós na ooheek, asma gaarí an gár hee kuwa hariím (12:13).» |
The Bible in Iraqw © Bible Society of Tanzania, 2004.
Bible Society of Tanzania