Mareko 2 - Kuruei Voa Nawawrea 1920

¹ Neko mere ai, lare ailapea, U moawku Kaperanauma ai ikirinave, uru ema upurukiakei’inave U marea ai i‐pokoinave.

² Uku a’a aila kaupukinave mako eria kei’inave oro eiai marea laru ai, orau awku kikau ai; Iva voa U omoro kuruenave.

³ A’a morere morere maia varuvaru a’a vakarumakei’inave U ai anenave.

⁴ Oro U arekamu ai aneai a‐li’inavea uku a’a aruru niniakei’inave, marea anu i’i oro lai erenave: maia varuvaru a’a una kile upa mere oro ururunave Iesu unu paku ai.

⁵ Iesu omo pirimaroakoa inamu‐oimakei’inave U maia varuvaru a’a erau voa kurunave, Mere e, ni namea paue‐emiakeina.

⁶ Kikiria a’a varomo i‐papa’amakei’inave omo umu laru ai erau voa ekinamakei’inave,

⁷ Uku oiana ei a’a mai voa kuruna? Namea koa?-?ma‐paue‐emi’i? Iehova U e namea paue‐emi’ina.

⁸ I una Avaea Iesu ipalimakei’inave oro erau voa ekinamakei’inave U erau voa veve’einave, Uku oiana ei awku eiai nomo umu laru ai noro voa nakinamakina?

⁹ Ekara voa ana awpono keina maia varuvaru a’a awkiai, Ni namea paue‐emiakeina naea, La’ane, ni kile uakine, are rokone naea?

¹⁰ A uku noro ipaliane‐iai A’a anu Mere iva mi’ina pani va’au ai namea paue‐emiai, (U urukinave maia varuvaru a’a erau voa awkinave),

¹¹ Nai nikina, La’ane, ni kile uakine, ni marea ai enara.

¹² U emoki la’anave, una kile uakinave, oro uriria paku ai elenave ane; oro uriria varuavakei’inave, Eloi avioinave ane, erau voa kurumakei’inave, Opara ei opara orau enei inamu‐oiape.

¹³ Iesu moawku elenave Ururu ai; a’a aruru uriria U ai kaupukinave, U ipekinave ane.

¹⁴ U awawpemakei’inave Levi Alapeo onu mere U inamu‐oinave moni akoa marea ai i‐pa’amakei’inave, Iesu erau voa awkinave, E’e’ikane. U la’anave, e’e’okanave ane.

¹⁵ Iesu Levi inu marea laru ai pei pakara ai pa’amakei’inave, moni akoa a’a aila, namea a’a ane, Iesu kiripai Una aivara ane, papa’amakei’inave: uku a’a e’e’okanave oro a’a aila kei’inave.

¹⁶ Parisea kikiria a’a inamu‐oimakei’inave moni akoa a’a, namea a’a ane, U pei na’amakei’inave, Una aivara oro erau voa veve’einave Uku oiana U pei na’amakina moni akoa a’a, namea a’a ane, kiripai?

¹⁷ Iesu omo voa viriaka’ane, U erau voa kuruenave, Kape venea a’a lapu a’a oea‐rokoapea; maia a’a oro lapu a’a oea‐rokona. Opara anana a’a laea‐elauai Nai aneakape, a namea a’a lai urukiai ekiai Nai aneaka.

¹⁸ Ioane enu aivara, Parisea a’a anu aivara ane, pei larilimakei’inave: oro U ai anenave erau voa kurunave ane, Uku oiana Ioane enu aivara, Parisea a’a anu aivara ane, pei larilimakina, a Ni aivara pei lari‐a‐li’inakea?

¹⁹ Iesu erau voa veve’einave, A’e mia vaki inu ukua oro pei lari ama‐li’i u oro kiripai pokoiane? a’e mia vaki oro kiripai oro miane pei lariliai oro liapea.

²⁰ Pani aneakana a’e mia vaki oro mere iou miakei?-?akana, kurua pani ai oro pei lariliakana.

²¹ A’a kapeo kapua nawawrea eni a’a kape upa mere kikirina: nawawrea kapua eni a’a kape koranavaia, eni a’a kape enu rua ovara li’inavaia.

²² A’a kapeo eni kaia maina uru ika nawawrea evopona: uru ika nawawrea kaia maina koronavaia, uru ika upunavaia, kaia maina paukinavaia: uru ika nawawrea kaia maina nawawrea evo?-?poai limakina.

²³ Sabati lare kawni aura ai U are rokoamakei’inave: Una aivara enamakei’inave kawni pikiri oro ekekemakei’?-?inave.

²⁴ Parisea a’a Iesu erau voa kurunave, Akoi’i, uku oiana Sabati lare enu vupu oro lipili’ina?

²⁵ U erau voa veve’einave, Voa uku opara Davida liaka noro oraiapeana kurua pani ai u pei oea keia’ane, u pei navai‐navai li’inave, oro awku u kiripai pokoinave?

²⁶ Abiata omoro amua a’a anu pani ai u Eloi inu marea ikirinave, vupu pei omoro a’a eiai u navaka, una kaupu a’a kurua pei ekuaka ane.

²⁷ U erau voa kuruenave, Sabati lare evere’eakei’inave a’a eiai, a’a a‐eakei’inavea Sabati lare eiai:

²⁸ Ou uku eiai A’a anu Mere Sabati lare awku unu Amua rokona.