مَرکاس INTRO1 - هُدائے پاکێن کتاب، بلۆچی زبانامَرکاسئے اِنجیلئے پجّار اے کتابئے نبیسۆک، مَرکاس، ایسّا مَسیهئے مُرید شَمون‌پِتْرُسئے سنگت اَت و چه بُنگێجی کِلیسائے باوَرمندان یکّے اَت. کاسِدانی کارئے کتابا، لهتێن جاگها مَرکاسئے نام آتکگ که پِتْرُس و پولُسئے سنگت اِنت. باوَر اِش اِنت، هما وهدا که مَرکاس گۆن پِتْرُس و پولُسا رومئے شهرا نندۆک بوتگ، آییا په رومئے شهرئے جَهمنندێن#1:0 جَهمنند، بزان جاگهێئے نِشتگێن مردم، ساکن، آباد. درکئومان اے کتاب نبشتگ. لهتێن زانتکارَ گوَشیت که مَرکاسا، ایسّائے بارئوا بازێن یادداشتے چه پِتْرُسا زرتگ. چارێن اِنجیلانی تها، مَرکاسئے کتاب چه آ دگران گوَنڈتر اِنت. اے کتابا، ایسّا مَسیهئے هُداوندی، چه آییئے مۆجزه و هئیران کنۆکێن کاران پێش دارگ بوتگ. مَرکاسئے اِنجیلا، ایسّائے آیگ و جَلیلئے دَمگا#1:0 دَمگ، بزان هَند، اِلاکه، اُستان، سوبَه. آییئے تالیم و کار نبیسگ بوتگ‌اَنت. دێم په اورشَلیما رئوگئے وهدا آییئے داتگێن سر و سۆج و اورشَلیما آییئے گُڈّی#1:0 گُڈّی، بزان آهِری. رۆچانی سرگوَست و مرَگ و زندگ بئیگئے کسّه هم آتکگ‌اَنت. |
© 2016-22 Wycliffe Bible Translators, Inc.
Wycliffe Bible Translators, Inc.