یوهَنّائے دومی کاگد INTRO1 - هُدائے پاکێن کتاب، بلۆچی زبانایوهَنّائے دومی کاگدئے پجّار یوهَنّائے دومی کاگد گۆن کاگَدئے نبشته کنۆک و هما مردمانی پَجّارا بنداتَ بیت که آیانی ناما کاگد نبشته کنگ بوتگ. نبشته کنۆک، اے کاگدا وتا ”کَماشَ“ گوَشیت. کماشئے گال په کلیسائے هاسێن سَرۆک و اُستادان کارمَرز بوتگ. اے کاگد گۆن یوهَنّائے ائولی کاگدا سکّ همرَنگ اِنت، پمێشکا پاکێن کتابئے گێشترێن زانتکارَ گوَشنت که اے کاگد هم ایسّائے کاسِد یوهَنّایا نبشته کرتگ. اے کاگَد ”دۆستێن بانُک و آییئے چُکّانی“ ناما نبشته کنگ بوتگ. زانَگَ نبیت که ”بانُک“ هَکّ و دلا یکّ جنێنے یا باوَرمندانی رُمبے، چێا که ”دۆستێنئے“ گالئے مانا ”گِچێنی“ هم بوتَ کنت و مُدام په کلیسایا کارمَرز بوتگ. کلیسا جنێن یا بانُک هم گوَشگ بوتگ. یوهَنّائے دومی کاگدئے اهمێن گپّے اِش اِنت که ایسّا، مَسیه اِنت و آییئے سرا ایمان آرۆک یَکدگرا الّم دۆست بِدارنت. باوَرمند هبردار کنگ بوتگ‌اَنت که رَدێن سر و سۆجانی رَندگیریا مکننت. یوهَنّا دێمئے مردمان هال دئیَگَ لۆٹیت که من اراده کرتگ که شُمئے نێمگا بیایان و شمارا راستێن سَر و سۆج بکنان. |
© 2016-22 Wycliffe Bible Translators, Inc.
Wycliffe Bible Translators, Inc.