أفسس 2 - Hijazi New Arabic Version

صرنا عايشين في المسيح

¹ و انتو كمان كنتو زمان ميتين بذنوبكم و خطاياكم،

² اللي كنتو تمشو فيها على حسب طرق هذا العالم، تمشوا ورا رئيس قوات الهوا، هاذي الروح اللي تلبس أولاد العصيان،

³ اللي بينهم احنا كمان زمان كنا نمشي ورا شهوات جسدنا، نسوي اللي يبغاه الجسد و الافكار، و كنا بالطبيعة زي باقي عيال الغضب كمان.

⁴ بس الله هو غني في الرحمة، و بسبب محبتو العظيمة اللي حبنا بيها،

⁵ ولمَّن كنا نحنا كمان اموات بالذنوب، عَيّْشنا مع المسيح، و بالنعمة انتو مخلَّصين ،

⁶ وعيَّشنا معاه و خلانا معاه في السموات في المسيح يسوع.

⁷ وذا عشان يعرض في الأيام الجايه كيف نعمتو غنيه، اللي مره لطيف بيها علينا في المسيح يسوع.

⁸ و انتو بالنعمة كان خلاصكم، بالايمان، و ذا مو منكم. هو نعمة مِنَ عند اللهِ،

⁹ مو على أساس الاعمال، عشان ولا أحد يشوف نفسه.

¹⁰ احنا عمل الله، وخلقنا بالمسيح يسوع عشان أعمال صالحة هو سواها من قبل عشان نمشي عليها.

الوحدة في المسيح

¹¹ عشان كذا انتو حالتكم السابقة ياللي مختونين دحين و تقولوا على الناس مو مختونين مع أنه هذا الختان ينعمل باليد في الجسم

¹² في ذاك الوقت انتو كنتو من غير مسيح، غريبين عن جماعة اسرائيل، وغربا عن العهود الموعودة، مافي رجا لكم وتنكروا الله في العالم.

¹³ بس دحين ، وفي المسيح يسوع، انتو اللي كنتو بعيدين صرتوا قريبين بدم المسيح.

¹⁴ هو السلام حقنا، اللي جمع الكل وخلانا واحد و هدم الجدار اللي كان يفصل بيننا،

¹⁵ اللي هي العداوة: و بجسدو ابطل شريعة الوصايا حقت الفرايض، عشان يكون من الفريقين انسان واحد و جديد، وبعدها صار بينهم سلام،

¹⁶ وعشان يصالحهم ببعض في جسد واحد مع الله بالصليب اللي بيه انقتلت العداوة.

¹⁷ بعدين جا و بشركم بالسلام انتو البعيدين، (زي ما بشر بالسلام) دولاك القريبين.

¹⁸ وفيه لنا كلنا قرب للأب بروح واحده.

¹⁹ اذاً، انتو مو غريبين دحين، انتو مننا مع القدييسن و من ضمن عيلة الله،

²⁰ و كبرتو على أساس الرسل والانبياء، و المسيح يسوع هو نفسو حجر الزاوية الاساس،

²¹ اللي فيه يكتمل البناء كلو ويصير هيكل مقدس في الرب.

²² واللي فيه انتو كمان كبرتو مع بعض و صرتو مسكن لله بوجود الروح.