ڢِلِبِيَاوَا 4 - أَتَّوْرَتْ دَ أَنَّبَاوَا

ڟَيَاوَا دَ ڧَرْڢِے ثِكِنْ عُبَنْ‌غِجِ

¹ سَبُواْدَ حَكَ، یَنْعُوَنَ، كُو دَ كُكٜىٰ أَ ذُوثِيَاتَ كُلُّمْ، حَرْ إِنَ مَرْمَرِنْ غَنِنْكُ، كُو دَ كُكٜىٰ ڢَضٍ ثِكِنَ دَ هُولَرْ لَادَنْ نَصَرَرْ دَ ذَنْ سَامُ سَبُواْدَ عَيْكِنَ، إِنَ ضُواْڧُوانْكُ كُڟَيَ دَ ڧَرْڢِے ثِكِنْ عُبَنْ‌غِجِ، كُو وَطَنْدَ نَكٜىٰ ڧَوْنَ؞

² إِنَ جَنْ كُنّٜىٰنْ يُدِيَ دَ سِنْتِكِ، سُشِرْيَ دَ جُونَ سَبُواْدَ سُو نَ عُبَنْ‌غِجِ نٜىٰ؞

³ كَيْ كُمَ أَبُواْكِنْ عَيْكِنَ مَيْ أَمِنْثِ، إِنَ ضُواْڧُوانْكَ كَتَيْمَكِ وَطَنَّنْ مَاتَا، سَبُواْدَ سُنْ شَا ڢَامَ تَرٜىٰدَنِ عَثِكِنْ عَيْكِنْ شٜىٰلَرْ لَابَرِ مَيْ دَاطِے؞ حَكَ مَا كِلٜىٰمٜىٰنْ دَ سَوْرَنْ أَبُواْكَنْ عَيْكِنَ، وَطَنْدَ سُونَيٜىٰنْسُ سُكٜىٰ أَرُبُوثٜىٰ أَ لِتَّڢِنْ رَيْ؞

⁴ كُيِ ڢَضٍ ثِكِ ثِكِنْ عُبَنْ‌غِجِ كُلُّمْ؞ إِنَ سَاكٜىٰ غَيَ مُكُ كُيِ ڢَضٍ ثِكِ؞

⁵ بَرِ كُكَسَنْثٜىٰ دَ حَلِنْ حَڧُرِ ثِكِنْ دَنْ‌غَنْتَكَرْمُ دَ كُواْوَ؞ كُتُنَ ڢَا، عُبَنْ‌غِجِ يَيِ كُسَنْ ذُوَا؞

⁶ كَدَ كُدَامُ دَكُواْمٜىٰ، سَيْدَيْ عَثِكِنْ كُواْمٜىٰ كُڢَطَا وَ اللَّهْ بُڧَاتُنْكُ تَوُرِنْ أَدُّعَ دَ ضُواْڧُواْ، تَرٜىٰدَ غُواْدِيَ؞

⁷ تَهَكَ كُوَ اللَّهْ ذَيْبَاكُ سَلَمَ إِرِ وَدَّ تَوُثٜىٰ دُكَنْ غَانٜىٰوَرْ طَنْ أَدَمْ، ذَاتَ كُمَ ڟَرٜىٰ ظُكَاتَنْكُ دَ تُنَانِنْكُ ثِكِنْ أَلْمَسِيحُ عِيسَىٰ؞

⁸ عَڧَرْشٜىٰ كُمَ، یَنْعُوَنَ، كُدِنْ‌غَ يِنْ تُنَانِ عَكَنْ إِيَاكَرْ أَبِنْدَ يَكٜىٰ نَغَسْكِيَ دَ إِيَاكَرْ أَبِنْدَ يَ إِسَ بَنْ‌غِرْمَ دَ إِيَاكَرْ أَبِنْدَ يَكٜىٰ دَيْدَيْ دَ إِيَاكَرْ أَبِنْدَ يَكٜىٰدَ ڟَبْتَ دَ إِيَاكَرْ أَبِنْدَ يَكٜىٰ جَٰوُاْ ڧَوْنَ دَ إِيَاكَرْ أَبِنْدَ يَكٜىٰ نَكِرْكِ، وَتُواْ عَكَنْ دُكَنْ أَبِنْدَ يَكٜىٰ مَڢِے ݣَوْ، كُواْ أَبِنْدَ يَ إِسَ يَبُواْ، عَكَنْ وَطَنَّنْ سَيْ كُيِ تُنَانِ؞

⁹ كُعَيْكَتَ أَبُبُوَنْ دَ كُكَ كُواْيَ كُكَ كُمَ كَرْٻَ دَ كُمَ أَبُبُوَنْ دَ كُكَجِ، كُكَ غَنِ أَوُرِينَ؞ اللَّهْ مَيْ سَلَمَ كُوَ ذَيْ كَسَنْثٜىٰ تَرٜىٰدَكُو؞

بُلُسْ يَغُواْدٜىٰ وَمَاسُبِے نَ ڢِلِبِے

¹⁰ نَيِ ڢَضٍ ثِكِ سُواْسَيْ غَ عُبَنْ‌غِجِ سَبُواْدَ يَنْذُ كُنْ سَاكٜىٰ نُونَ كُنَ كُلَ دَنِے؞ كُواْدَيَكٜىٰ دَا مَا كُنْ كُلَ دَنِے، عَمَّا بَكُ سَامِ دَامَ كُنُونَ مِنِبَ؞

¹¹ بَا وَيْ إِنَكُوكَنْ رَشِنْ وَنِ أَبُ بَنٜىٰ؞ أَيْ، نَا كُواْيِ يَدَّ ذَنْ ذَوْنَ دَ ݣُونْثِيَرْ رَيْ عَكُواْوَنٜىٰ حَلِنْ دَ نَكٜىٰ ثِكِ؞

¹² نَسَنْ يَدَّ ذَنْ ذَوْنَ كُواْ ثِكِنْ تَلَوْثِ كُواْ ثِكِنْ يَلْوَتَ؞ ذَنْ عِيَ ذَمَ عَكُواْوَنٜىٰ إِرِنْ حَلِ، كُواْ ثِكِنْ يُنْوَ كُواْ ثِكِنْ ڧُواْشِ، كُواْ ثِكِنْ رَشِ كُواْ ثِكِنْ سَامُ؞

¹³ ذَنْ عِيَيِنْ كُواْمٜىٰ تَوُرِنْ أَلْمَسِيحُ وَنْدَ يَكٜىٰ ڧَرْڢَڢَانِ؞

¹⁴ دُكْدَهَكَ، كُنْ ݣَوْتَادَ كُكَ تَيْمَكٜىٰنِ أَ لُواْكَثِنْ دَ نَكٜىٰ ثِكِنْ وَهَلَ؞

¹⁵ كُو ڢِلِبِيَاوَا كُنْسَنِ، أَ لُواْكَثِنْدَ نَڢَارَ عَيْكِنْ وَعَظِنْ لَابَرِ مَيْ دَاطِے دَ نَبَرْ ڧَسَرْ مَكِدُواْنِيَ بَا وَتَ جَمَعَرْ مَاسُبِنْ عِيسَىٰ وَدَّ تَهَطَكَيْ دَنِے تَوُرِنْ بَايَرْوَ دَ كَرْٻَ، سَيْ كُو كَطَيْ؞

¹⁶ دُواْمِنْ كُواْ أَ لُواْكَثِنْ دَ نَكٜىٰ تَسَلُواْنِكَ، كُنْ عَيْكُواْ مِنِ دَ تَيْمَكُوانْ أَبُبُوَنْ دَ نَكٜىٰ بُڧَاتَ بَا مَا سَوْ طَيَبَ؞

¹⁷ كَدَ كُيِ ڟَمَّنِ إِنَ نٜىٰمَنْ ݣَوْتَا أَوُرِنْكُنٜىٰ، أَعَ، سَيْدَيْ إِنَ نٜىٰمَنْ أَبِنْدَ ذَاعَڧَارَ لِسَّڢْتَا عَكَنْ رِيبَرْكُ؞

¹⁸ أَنْ بِيَانِ دُكَ، بِيَنْدَ يَوُثٜىٰ مِصَالِ؞ بُڧَاتَتَ تَبِيَ دَيَكٜىٰ نَكَرْٻِ ݣَوْتَرْكُ دَ كُكَ عَيْكُواْ تَهَنُّنْ أَبَڢُواْرِدِتُسْ؞ وَنَّنْ بَايَرْوَثٜىٰ مَيْڧَنْشِ، هَدَايَثٜىٰ كُمَ وَدَّ اللَّهْ ذَيْ كَرْٻَ يَكُمَجِ دَاطِنْسَ؞

¹⁹ اللَّهْ نَا كُمَ ذَيْبِيَ مُكُ كُواْوَثٜىٰ بُڧَاتَرْكُ بِسَغَ طَوْكَكَرْ أَلْبَرْكُنْسَ عَيَلْوَثٜىٰ تَوُرِنْ أَلْمَسِيحُ عِيسَىٰ؞

²⁰ طَوْكَكَ تَتَبَّتَا غَ اللَّهْ نْمُ دَ عُبَنْمُ، حَرْ أَبَدَا؞ أَمِينْ؞

غَيْسُوَرْ ڧَرْشٜىٰ

²¹ كُغَيْ دَ دُكَنْ ڟَرْكَكَا ثِكِنْ أَلْمَسِيحُ عِيسَىٰ؞ یَنْعُوَنْ دَسُكٜىٰ تَرٜىٰدَنِ سُنَ غَيْشٜىٰكُ؞

²² ڟَرْكَكَا دُكَ سُنَ غَيْشٜىٰكُ، مُسَمَّنْ وَطَنْدَ سُكٜىٰ أَ ڢَادَرْ كَيْسَرْ؞

²³ أَلْحٜىٰرِنْ عُبَنْ‌غِجِ عِيسَىٰ أَلْمَسِيحُ يَكَسَنْثٜىٰ تَرٜىٰدَ رُوحُنْكُ؞ أَمِينْ؞