ڢِلِبِيَاوَا 2 - أَتَّوْرَتْ دَ أَنَّبَاوَا

بِغُرْبِنْ سَوْڧِنْ كَيْ نَ أَلْمَسِيحُ

¹ كُنَ سَامُنْ ڧَرْڢَڢَاوَا سَبُواْدَكُو نَ أَلْمَسِيحُ نٜىٰ؟ كُواْ كُنَ سَامُنْ تَعَظِيَّ تَوُرِنْ ڧَوْنَرْسَ؟ كُواْ كُنَدَ زُمُنْثِ ثِكِنْ رُوحُ؟ كُواْ كُمَ كُنَدَ ڧَوْنَ دَ تَوْسَيِ أَ ذُوثِيَارْكُ؟

² تُواْ، إِنْ كُنَدَ وَطَنَّنْ، إِنَ ضُواْڧُوانْكُ كُسَا ڢَضٍ ثِكِنَ يَثِكَ تَوُرِنْ كَسَنْثٜىٰوَرْكُ دَ تُنَانِ طَيَ دَ ڧَوْنَ طَيَ دَ نُڢِ طَيَ؞

³ كَدَ كُيِ كُواْمٜىٰ دَ سُوانْكَيْ كُواْ غِرْمَنْ كَيْ، سَيْدَيْ دَ سَوْڧِنْ كَيْ؞ عَمَّا ثِكِنْ سَوْڧِنْ كَيْ كُمَ بَرِ كُواْوَ يَمَيْدَ طَنْعُوَنْسَ دَ مُهِمَّنْثِ ڢِيٜىٰدَ كَنْسَ؞

⁴ كَدَ كُكُلَ دَ كَنْكُ كَطَيْ، عَمَّا كُكُلَ دَ وَطَنْسُ كُمَ؞

⁵ بَرِ كُكَسَنْثٜىٰ دَ حَلِ إِرِنْ نَ أَلْمَسِيحُ عِيسَىٰ، وَتُواْ،

⁶ كُواْدَيَكٜىٰ شِ اللَّهْ نٜىٰ، بَيْ مَيْدَ كَسَنْثٜىٰوَرْسَ دَ اللَّهْ أَبِنْدَ ذَيْ رِڧٜىٰ دَ ڧَرْڢِيبَ،

⁷ سَيْدَيْ يَمَيْدَ كَنْسَ كَمَرْ بَ كُواْمٜىٰبَ، يَطَوْكِ مَڟَيِنْ بَاوَ، ثِكِنْ صِڢَّرْ طَنْ أَدَمْ عَكَ حَيْڢٜىٰشِ، يَكُمَ بَيَّنَ ثِكِنْ كَمَنِّنْ مُتُمْ؞

⁸ بَنْدَ حَكَمَا، عَثِكِنْ كَمَنِّنْ مُتُمْ، يَڧَسْڧَنْتَرْ دَكَنْسَ تَوُرِنْ يِنْ بِيَيَّ، بِيَيَّرْ دَ تَكَيْ شِ حَرْ غَ مُتُوَ، مُتُوَ عَكَنْ غِثِّيٜىٰ؞

⁹ سَبُواْدَ حَكَ اللَّهْ يَطَوْكَكَ شِ ڢِيٜىٰ دَكُواْمٜىٰ، يَكُمَ بَاشِ سُونَنَّنْ دَ يَڢِ كُواْوَنٜىٰ سُنَ،

¹⁰ دُواْمِنْ غَ سُونَنَّنْ عِيسَىٰ كُواْوَثٜىٰ ڠُوِوَ ذَاتَ دُرْڧُسَ، أَ سَمَ دَ نَنْ دُونِيَا دَ ثَنْ ڧَرْڧَشِنْ دُونِيَا،

¹¹ كُواْوَنٜىٰ هَرْشٜىٰ كُمَ يَشَيْدَ ثٜىٰوَ عِيسَىٰ أَلْمَسِيحُ عُبَنْ‌غِجِ نٜىٰ، دُواْمِنْ أَطَوْكَكَ اللَّهْ عُبَا؞

كُو حَصْكُواْكِ نٜىٰ عَدُونِيَا

¹² سَبُواْدَ حَكَ، يَا كُو وَطَنْدَ نَكٜىٰ ڧَوْنَ، إِنَ ضُواْڧُوانْكُ، كَمَرْ يَدَّ كُلُّمْ كُكٜىٰيِ مِنِ بِيَيَّ سَعَدَّ إِنَ تَرٜىٰدَكُو، يَنْذُ مَا دَ بَانَ نَنْ تَرٜىٰدَكُو، كُڧَارَ يِنْ بِيَيَّ؞ كُيِ عَيْكِ دَ ڨُوذُواْ يَدَّ سَكَمَكُوانْ ثٜىٰتُوانْكُ ذَيْڢِتَ أَ ڢِيلِ، كُيِشِ ثِكِنْ ڟُواْرُوانْ اللَّهْ دَ كُمَ ضَوَرْ جِكِے؞

¹³ غَمَا اللَّهْ شِينٜىٰ يَكٜىٰ عَيْكِ أَ ذُوثِيَارْكُ، شِينٜىٰ يَكٜىٰسَا كُيِ نِيَّ كُكُمَيِ عَيْكِ بِسَغَ ݣَكْݣَوَنْ نُڢِنْسَ؞

¹⁴ دُكْ أَبِنْدَ ذَاكُيِ، كَدَ كُيِشِ دَ غُنَغُنِ كُواْ غَرْدَمَ،

¹⁵ دُواْمِنْ كُذَمَ مَرَسَ لَيْڢِے، مَاسُ ڟَرْكِے، یَیَنْ اللَّهْ مَرَسَ تَبُواْ؞ كُنَ ذَمَ نٜىٰ عَثِكِنْ مُوغُوَرْ ڟَارَا مَاسُ رَايُوَرْ ݣُونَ ݣُونَ، عِنْدَ كُكٜىٰ حَصْكَكَاوَا عَثِكِنْسُ كَمَرْ حَصْكُواْكِ عَدُونِيَا،

¹⁶ كُنَ كُمَ مِيڧَ مُسُ ذَنْثٜىٰنْ رَيْ؞ وَنَّنْ ذَيْسَا أَ رَانَرْ دَ أَلْمَسِيحُ ذَيْ دَاوُاْ إِنْيِ تَاڧَمَ ثٜىٰوَ دُكَنْ ڢَامَرْ دَنَيِ دَ وَهَلَرْدَ نَشَا، بَعَبَنْظَ سُكٜىٰبَ؞

¹⁷ بَنْ‌غَسْكِيَرْكُ دَ عَيْكِنْكُ عَثِكِنْ عُبَنْ‌غِجِ كَمَرْ هَدَايَ نٜىٰ أَغَرٜىٰشِ، كُمَ كُواْ ذَاعَ ظُبْدَ جِنِنَ عَكَنْ هَدَايَرْ نَنْ، ذَنْيِ مُرْنَ إِنْيِ هَدَايَرْ نَنْ دَ ڢَضٍ ثِكِ تَرٜىٰدَكُو دُكَ؞

¹⁸ حَكَكُمَ سَيْ كُيِ ڢَضٍ ثِكِ، كُيِ مُرْنَ تَرٜىٰدَنِ؞

تِمُواْتِ دَ أَبَڢُواْرِدِتُسْ

¹⁹ إِنَ سَا ذُوثِيَا ثِكِنْ عُبَنْ‌غِجِ عِيسَىٰ ثٜىٰوَ ذَنْ عَيْكَ تِمُواْتِ ذُوَا وُرِنْكُ بَدَ دَطٜىٰوَبَ، دُواْمِنْ نِے مَا إِنْڧَارَ سَامُنْ ڧَرْڢَڢَاوَا تَوُرِنْ جِنْ لَابَرِنْكُ؞

²⁰ بَانِ دَ وَنِ كَمَرْسَ وَنْدَ يَدَامُ دَكُو سُواْسَيْ؞

²¹ سَوْرَنْ دَيْ، أَبِنْدَ يَشَڢِ كَنْسُ نٜىٰ كَوَيْ سُنْ دَامُ دَشِ، بَ أَبِنْدَ يَشَاڢِ عِيسَىٰ أَلْمَسِيحُ بَ؞

²² أَيْ، كُنْ سَنْ يَدَّ تِمُواْتِ يَكٜىٰ، يَدَّ مُكَيِ عَيْكِنْ شٜىٰلَرْ لَابَرِ مَيْ دَاطِے تَرٜىٰ كَمَرْ طَا دَ بَابَنْسَ؞

²³ سَبُواْدَ حَكَ إِنَ ڢَاتَا ذَنْ عَيْكَ شِ دَظَرَرْ نَجِ أَبِنْدَ ذَيْ ڢَرُ دَنِے؞

²⁴ عِدَنْ كُمَ عُبَنْ‌غِجِ يَيَرْدَ، نِے مَا ذَنْذُواْ بَدَ دَطٜىٰوَبَ؞

²⁵ نَغَ يَا كَمَاتَ إِنْ عَيْكَ مُكُ دَ طَنْعُوَنَ أَبَڢُواْرِدِتُسْ؞ شِے أَبُواْكِنْ عَيْكِنَ نٜىٰ، أَبُواْكِنْ ڢَامَتَا كُمَ، وَنْدَ كُكَ عَيْكُواْ يَيِ مِنِ حِدِمَ؞

²⁶ يَنَ مَرْمَرِ يَغَنْكُ دُكَ، حَرْ مَا يَدَامُ سُواْسَيْ سَبُواْدَ كُنْجِ يَيِ رَشِنْ لَاڢِيَ؞

²⁷ لَلَّيْ يَيِ رَشِنْ لَاڢِيَ حَرْ مَا يَكُسَنْ مُتُوَ؞ عَمَّا اللَّهْ يَجِ تَوْسَيِنْسَ، بَا شِ كَطَيْبَ، حَرْ مَا دَنِے؞ دَابَهَكَبَ دَا بَڧِنْ ثِكِ ذَيْ يِمِنِ يَوَ؞

²⁸ شِيَسَا نَيِ نِيَّ سُواْسَيْ إِنْ عَيْكٜىٰشِ دُواْمِنْ كُجِ دَاطِنْ سَاكٜىٰ غَنِنْسَ، نِے كُمَ إِنْ ضَغٜىٰ دَامُوَتَ؞

²⁹ كُكَرْٻٜىٰشِ دَ مُرْنَ سُواْسَيْ سَبُواْدَ عُبَنْ‌غِجِ؞ أَغِرْمَمَ إِرِنْسُ يَدَّ يَا كَمَاتَ،

³⁰ غَمَا يَا كُسَ يَمُتُ دُواْمِنْ عَيْكِنْ أَلْمَسِيحُ، يَنَ بَادَ رَنْسَ دُواْمِنْ يَيِ مِنِ تَيْمَكُوانْ دَ كُو بَكُ عِيَيِبَ؞