ڢِلِبِيَاوَا 1 - أَتَّوْرَتْ دَ أَنَّبَاوَا

غَيْسُوَا

¹ دَغَ بُلُسْ دَ تِمُواْتِ، بَايِنْ أَلْمَسِيحُ عِيسَىٰ ذُوَاغَ دُكَنْ ڟَرْكَكَنْ دَسُكٜىٰبِنْ أَلْمَسِيحُ عِيسَىٰ أَ ڢِلِبِے، تَرٜىٰدَ مَاسُ كُلَ دَ جَمَعَرْ مَاسُبِے دَ مَاسُ يِمَتَ حِدِمَ؞

² أَلْحٜىٰرِ دَ سَلَمَرْ اللَّهْ عُبَنْمُ دَ عُبَنْ‌غِجِ عِيسَىٰ أَلْمَسِيحُ سُكَسَنْثٜىٰ تَرٜىٰدَكُو؞

أَدُّعَرْ بُلُسْ دُواْمِنْ ڢِلِبِيَاوَا مَاسُبِنْ عِيسَىٰ

³ إِنَغُواْدٜىٰ وَ اللَّهْ أَدُكْ لُواْكَثِنْدَ نَتُنَ دَكُو؞

⁴ عَكُلُّمْ دَ ڢَضٍ ثِكِ كُوَ نَكٜىٰيِنْ ضُواْڧٜىٰ ضُواْڧٜىٰنَ غَ اللَّهْ سَبُواْدَكُو دُكَ؞

⁵ إِنَ غُواْدِيَ سَبُواْدَ كُنْ حَطَكَيْ دَنِے ثِكِنْ عَيْكِنْ شٜىٰلَرْ لَابَرِ مَيْ دَاطِے تُنْدَغَ رَانَرْ ڢَرْكُواْ حَرْ ذُوَا يَوْ؞

⁶ نَا تَبَّتَا شِے وَنْدَ يَڢَارَ ݣَكْݣَوَنْ عَيْكِنَّنْ عَثِكِنْكُ، ذَيْثِيغَبَ حَرْ يَغَمَشِ أَ رَانَرْ دَ عِيسَىٰ أَلْمَسِيحُ ذَيْ دَاوُاْ؞

⁷ دَيْدَيْ نٜىٰ إِنْيِ تَتُنَاوَ دَكُو حَكَ، كُو دُكَ، دُواْمِنْ كُنَ أَ ذُوثِيَاتَ، سَبُواْدَ دُكَنْكُ كُنَ زُمُنْثِ دَنِے ثِكِنْ أَلْحٜىٰرِنْ اللَّهْ أَ لُواْكَثِنْ دَ عَكَ كُلّٜىٰنِ عَكُرْكُكُ دَ كُمَ تَوُرِنْ كَارٜىٰ لَابَرِنَّنْ مَيْ دَاطِے وَنْدَ نَتَبَّتَرْ دَشِ؞

⁸ اللَّهْ شِينٜىٰ شَيْدَتَ، يَسَنْ يَدَّ نَكٜىٰ مَرْمَرِنْكُ دُكَ دَ ڧَوْنَرْ أَلْمَسِيحُ عِيسَىٰ؞

⁹ أَدُّعَتَ عِتَثٜىٰ ڧَوْنَرْكُ تَيِ تَيَلْوَتَ، تَرٜىٰدَ سَنِنْ اللَّهْ دَ كُمَ كُواْوَثٜىٰ إِرِنْ غَانٜىٰوَ؞

¹⁰ وَنَّنْ ذَيْ تَيْمَكٜىٰكُ كُإِيَ ذَاٻَرْ أَبِنْدَ يَڢِ ݣَوْ، دُواْمِنْ أَ رَانَرْ دَ أَلْمَسِيحُ ذَيْ دَاوُاْ كُذَمَ مَاسُ ڟَرْكِے، مَرَسَ تَبُواْ،

¹¹ ثِكٜىٰ كُمَ دَ سَكَمَكُوانْ ثٜىٰتُوانْكُ، وَتُواْ، حَلِنْ أَدَلْثِنْ دَ عَكٜىٰ سَامُ تَوُرِنْ عِيسَىٰ أَلْمَسِيحُ، دُواْمِنْ أَطَوْكَكَ عَكُمَ يَبِے اللَّهْ؞

بُلُسْ يَنَ رَايُوَا دُواْمِنْ أَلْمَسِيحُ

¹² یَنْعُوَ، إِنَ سُواْ كُسَنِ ثٜىٰوَ أَبِنْدَ يَڢَرُ دَنِے يَڧَارَسَا لَابَرِ مَيْ دَاطِے يَيَطُ،

¹³ حَرْ سُواْجُواْجِنْ غِدَنْ سَرْكِے دَ سَوْرَنْ مُتَنٜىٰ سُكَ سَنِ ثٜىٰوَ أَنْكُلّٜىٰنِ عَكُرْكُكُ سَبُواْدَ أَلْمَسِيحُ نٜىٰ؞

¹⁴ كُلّٜىٰنِ دَ عَكَيِ عَكُرْكُكُ، يَسَا یَنْعُوَ دَيَوَ عَثِكِنْ عُبَنْ‌غِجِ سُكَڧَارَ سَامُنْ ڧَرْڢِنْ حَلِ سُيِ شَيْدَرْ كَلْمَرْ اللَّهْ بَاتَرٜىٰدَ جِنْ ڟُواْرُواْبَ؞

¹⁵ وَطَنْسُ دَيْ سُنَ وَعَظِنْ أَلْمَسِيحُ سَبُواْدَ كِيشِ دَ سُوانْكَيْنٜىٰ، عَمَّا وَطَنْسُ سُنَيِ دَ نُڢِنْ أَلْحٜىٰرِ؞

¹⁶ وَطَنَّنْ دَسُكٜىٰيِنْ وَعَظِ دَ نُڢِنْ أَلْحٜىٰرِ سُنَيِنْ وَعَظِ سَبُواْدَ ڧَوْنَ نٜىٰ، غَمَا سُنْ سَنِ أَنْكُلّٜىٰنِ دُواْمِنْ إِنَكَارٜىٰ لَابَرِنَّنْ مَيْ دَاطِے نٜىٰ؞

¹⁷ وَطَنْثَنْ كُوَ سُنَ وَعَظِ عَكَنْ أَلْمَسِيحُ سَبُواْدَ حَلِنْ سُوانْكَيْنٜىٰ بَثِكِنْ غَسْكِيَابَ؞ سُوانْسُ نٜىٰ إِنْڧَارَ شَنْ وَهَلَ عَكُرْكُكُ؞

¹⁸ تُواْ، بَا كُواْمٜىٰ؞ مُهُمِّنْ أَبُ شِينٜىٰ، عَكُواْوَنٜىٰ حَلِ، كُواْ دَ نُڢِنْ ڧَضْيَا، كُواْ دَ نُڢِنْ غَسْكِيَ، أَنَ وَعَظِ عَكَنْ أَلْمَسِيحُ نٜىٰ؞ وَنَّنْ يَنَسَا إِنْيِ ڢَضٍ ثِكِ؞ عِ، ذَنْ ثِيغَبَدَ يِنْ ڢَضٍ ثِكِ،

¹⁹ غَمَا نَا سَنِ ثٜىٰوَ تَوُرِنْ أَدُّعُواْعِنْكُ دَ تَيْمَكُواْ دَغَ وُرِنْ رُوحٌ أَلْمَسِيحُ عِيسَىٰ، عَڧَرْشٜىٰ دَيْ وَنَّنْ ذَيْسَا أَ سَكٜىٰنِ؞

²⁰ إِنَ مَرْمَرِ، كُمَ إِنَسَا ذُوثِيَا ثٜىٰوَ كَدَ إِنْكَٰوُاْ وَ كَيْنَ كُنْيَا ثِكِنْ عَيْكِنْ عُبَنْ‌غِجِ، عَمَّا إِنْيِ مَغَنَ دَ ثِكَكّٜىٰنْ ڧَرْڢِنْ ذُوثِيَا؞ ثِكِنْ دُكَنْ أَبِنْدَ ذَنْيِ، بَرِ أَلْمَسِيحُ يَسَامِ طَوْكَكَ يَنْذُ دَ كُواْوَنٜىٰ لُواْكَثِ أَوُرِينَ، كُواْ إِنَدَ رَيْ كُواْ نَمُتُ؞

²¹ أَغَرٜىٰنِ كَمْ، عِدَنْ نَا رَايُ، دُواْمِنْ أَلْمَسِيحُ نٜىٰ، عِدَنْ مَا نَمُتُ، دُكْ رِبَاثٜىٰ؞

²² عِدَنْ يَا ذَمَ ذَنْ رَايُ ثِكِنْ جِكِے، ذَنْيِ عَيْكِ مَيْ أَمْڢَانِ كٜىٰنَنْ؞ عَمَّا نَرَسَ وَنٜىٰنٜىٰ ذَنْ ذَاٻَا؞

²³ حَڧِيڧَ، حَنْكَلِنَ يَرَبُ بِيُ؞ أَبِنْ دَ نَكٜىٰسُواْ دَيْ، إِنْكُواْمَ وُرِنْ أَلْمَسِيحُ إِنْ ذَوْنَ تَرٜىٰ دَشِ؞ حَكَ يَاڢِ ݣَوْ ڨُورَيْ؞

²⁴ عَمَّا يَا كَمَاتَ إِنْ كَسَنْثٜىٰ ثِكِنْ جِكِے تُكُنَ دُواْمِنْ أَمْڢَانِنْكُ؞

²⁵ تُنْدَيَكٜىٰ إِنَدَ تَبَّثِ حَكَ، نَسَنِ ذَنْ ذَوْنَ تَرٜىٰدَكُو دُكَ دُواْمِنْ كُڧَارَ غِرْمَ دَ ڢَضٍ ثِكِ ثِكِنْ بَنْ‌غَسْكِيَرْكُ؞

²⁶ تَهَكَ، عِدَنْ نَسَاكٜىٰ كَٰوُاْ مُكُ زِيَارَ، ذَاكُ سَامِ بَبَّنْ دَلِيلِنْ يِنْ تَاڧَمَ دَ أَلْمَسِيحُ عِيسَىٰ سَبُواْدَ أَبِنْدَ يَكٜىٰيِ تَوُرِينَ؞

²⁷ سَيْ دَيْ كُيِ ذَمَنْدَ يَثَنْثَنْثِ لَابَرِ مَيْ دَاطِے نَ أَلْمَسِيحُ؞ تَهَكَ، كُواْ نَذُواْ نَغَنْكُ، كُواْ مَا بَنْ ذُواْ بَ، ذَنْجِے لَابَرِنْكُ إِنْ سَنِ ثٜىٰوَ كُنَ ڟَيَاوَا سُواْسَيْ تَرٜىٰ، كُنَ ڢَامَ تَرٜىٰ، رَعَيِنْكُ طَيَ سَبُواْدَ بَنْ‌غَسْكِيَ تَلَابَرِ مَيْ دَاطِے،

²⁸ بَاتَرٜىٰدَ جِنْ ڟُواْرُوانْ أَبُواْكَنْ غَابَنْكُبَ كُواْ كَطَنْ؞ أَيْ، وَنَّنْ تَبَّثِ نٜىٰ أَغَرٜىٰسُ ثٜىٰوَ ذَاسُ هَلَّكَ، عَمَّا أَوُرِنْكُ تَبَّثِنْ ثٜىٰتُوانْكُ كٜىٰنَنْ؞ وَنَّنْ تَبَّثِ كُوَ دَغَ وُرِنْ اللَّهْ يَكٜىٰ؞

²⁹ غَمَا أَلْحٜىٰرِنْ دَ يَيِ مُكُ سَبُواْدَ أَلْمَسِيحُ، بَ دُواْمِنْ كُبَادَ غَسْكِيَ غَرٜىٰشِ كَوَيْبَ، عَمَّا حَرْ مَا دُواْمِنْ كُشَا وَهَلَ سَبُواْدَشِ،

³⁰ كُنَ شَنْ ڢَامَ إِرِ يَدَّ كُكَ غَنِ نَشَا، كُنَ كُمَجِ نَكٜىٰ شَا حَرْ يَنْذُ؞