2 તિમોથી INTRO1 - પવિત્ર બાઇબલ C.L.પ્રસ્તાવના: તિમોથીને પાઉલ પ્રેરિતના બીજા પત્રમાં પાઉલે પોતાના યુવાન સાથીસેવક તથા મદદનીશ તિમોથીને મોટે ભાગે અંગત શિખામણના શબ્દો લખ્યા છે. પત્રનો મુખ્ય વિષય સહન કરવા વિષે છે. પાઉલ તિમોથીને નીચેની કેટલીક સલાહ-શિખામણ આપે છે: વિશ્વાસુપણે પ્રભુ ઈસુ વિષે સાક્ષી આપવા ઉત્તેજન આપે છે; સુવાર્તાનું અને જૂના કરાર વિષેનું સાચું શિક્ષણ ધરી રાખવા કહે છે; જોકે આસપાસ સતાવણી અને વિરોધ હોવા છતાં શિક્ષક અને સુવાર્તિક તરીકેની પોતાની ફરજ સંપૂર્ણપણે બજાવવા પ્રેરણા આપે છે. પાઉલ તિમોથીને ખાસ ચેતવણી આપે છે, “મૂર્ખાઈભર્યા અને ખાલી શબ્દવાદ” જોખમમાં પડવાથી દૂર રહે, કેમ કે એથી કોઈ ફાયદો થતો નથી, ઊલટું “સાંભળનારાંને નુક્સાનકારક છે.” આ બધામાં પાઉલ તિમોથીને પોતાના જીવન અને હેતુ વિષે પણ જણાવે છે, અને એના સદ્ગુણોને અનુસરવા પ્રેરે છે, જેવા કે એનો વિશ્વાસ, ધીરજ, પ્રેમ, સહનશીલતા, અને સતાવણીઓનાં દુ:ખ ખમવાં. રૂપરેખા: પ્રસ્તાવના ૧:૧-૨ વખાણ અને પ્રશંસા ૧:૩—૨:૧૩ શિખામણ અને ચેતવણી ૨:૧૪—૪:૫ પાઉલની પોતાની પરિસ્થિતિ ૪:૬-૧૮ ઉપસંહાર ૪:૧૯-૨૨ |
Gujarati Common Language Bible - પવિત્ર બાઇબલ C.L.
Copyright © 2016 by The Bible Society of India
Used by permission. All rights reserved worldwide