Online Bible

Kòlò̆ssia INTRO1 - Geba Roman New Testament

Dèsŭgū

Păulu hwe cèborŏ d́ŏ Kòlò̆ssia dèòplopho aò d́ŏ Kòlò̆ssia u htè ab́èkja Asĭa Mĭnòr, kî aò d́ŏ Ephè̆sus u lumuhta nu. Dèòplo ajo dî ḿî Păulu mèhta aè̆ ńò, nòthò̆ hnò̆nu cè thè̆leb́è dèmèpho aò Ephè̆sus Udo, Asĭage, Rŏma adèŭi tòcò nu d́ŏ Kòlò̆ssia u nu acè̆ zè lè̄b́èkja ze ne kî hwenikò̆ lōwa cèborŏ ajo tèb́è jo lò. Păulu thîhè̆b́è d́ŏ Kòlò̆ssia adèòplo asara tòcò hlòplè bija cab́ô̆htè cè tòcò gî̄ thîhè̆ Kib́ĭcè kî nib́è thuŭthèè dèhlô̆htage anikhĭ nu, cè tòcò gè̄ thèb́è̆htab́è “dèòplo akhoane kî aŭidè tòcò nu.” D́olĭkî anu, cè tòcò d́òwe d́ò̆, kè̄ b́è lôkô dèhô̆rîkî̆ acab́ô̆ nud́ò̆ ò adĕ nu kî dèthôdèthò̆ agrî̄ ab́èkja dèadèò̆ kî alewe tòcò nu.

Păulu hwe htakhokă dèthèhlô̆ ajo tòcò kî ithîhè̆ bija ab́èkja Krĭstupho mò mèkô adî̄ahma tòcò nu. Zè dèd́òscĭge aglobu ḿî, Jezŭ Krĭstu iwa dèhlô̆htage pĕhtazòhta, ḿî dèb́u kî dèmèi nud́ò̆ tòcò mèdòbò wa kî Cè lò. D́ŏ Krĭstu acè̆ Kib́ĭcè b́òla Lākho, kî d́ŏ Zo kho Zè cè̆ Zî phîhtage Cè è̆ d́ŏ Cè thè̆ne aò nu. Htĕ dèò ploplo kî Krĭstu domo lò ḿî Lākho adèhlô̆htage adèsascĭi nu. Păulu d́ò̆sa hlî̆hta kô dèthèhlô̆ ahtajî ajo ḿî ab́èkja ab́udè tòcò adèòthôḿô̆ lò.

Gō mò bè̄thobè̄tha d́ŏ Tychicus, htè alei nikhĭ Păulu cè tèb́è jo d́ŏ Kòlò̆ssia adèòplo ò, bija alekô ca kă ḿî Ònecĭmo, zôpho htè Păulu hweni Philemòn acèborŏ zi nikhĭ dèbwè nu.

Dèwîdèkè̆ Aglobu

Dèsŭgū (1.1-8)

Krĭstu adèòthôḿô̆ kî adèmè (1.9—2.19)

Dèòthôḿô̆ athè̆ d́ŏ Krĭstu abu (2.20—4.6)

Dèb́ò̆b́i (4.7-18)

Bible Society of Myanmar