भूमिका
फिलिप्पियों गा जीमू पौलुस कलाम्के चेला गा पत्री यूरोप गा ओटे लिंजेन आरुके मिनी पेला मसीह गा मंडली के ओल्के मेना डा, डेगा स्थापना पौलुस नी डाके डा। देटेन रोमी जिल्हा मकिदुनिया गेन आरुके डा। इनी पत्री डी टेमो ओल्के मेना डा जब कलाम्के चेलाकू जेलेनके डा, एठा जब देटेन अलग्गो मसीही कामय दडामिंकू गा द्वारा इकुगा खिलाफ गा वोजीटे परेशान एठा फिलिप्पी गा मसीह गा मंडली गेन जिऊ मिनी गलत शिक्षानौर टे कासु डा। फिरभी इनी पत्री म्या खुशी एठा पक्काटे जेबा होय डीके बस यीशु मसीह गेन पौलुस गा गहरा विश्वास गा द्वारा का समझातिंजेवा होय। इनी पत्री ओलगा घल्जी आए गा वाजा डा फिलिप्पियों गा मसीहकु के धन्यवाद जिकी, डी भेंट गा घल्जी जो दिकुनी पौलुस गा होना गा टेमो डीचके कुल्के डा। देटेन इनी मौका गा उपयोग दिकुके सहारा जिऊ गा घल्जी दडावा होय, ताकी दिकु दियागा एठा सेंग्गोनका सेंग्गोन खुद हेजा सेबाई कठिननौर गा बावजूद हिम्मत येत्हा भरोसा डोए। दिकु देटे निवेदन दडावा होय कि धोकेबाज ललिचोनौर एठा घमंड गा बेदला यीशु गा नम्र स्वभाव के खुद गा आरोए। दिकु डीके यादो जेबा होय कि मसीह गेन दिकुगा जीवन परमेश्वर गा कृपा गा म्या दान होय जो दिकुनी विश्वास गा द्वारा घाटाये होय, न कि यहूदी नियम गा विधीनौर गा पालन दडा गा द्वारा। दिकु डी खुशी एठा शांती गा बारेन ओल्बा होय डीके परमेश्वर डी कुरकू के जेबा होय जो मसीह गा सेंग्गोन म्यागुका जीवन बिबातातिंज्बा होय। मसीही विश्वास एठा जीवन गेन खुशी, पक्का, म्यागुका एठा मजबूत लिंजेन ताखत जिऊ इनी पत्री गा विशेषता होय। इनी पत्री फिलिप्पियों गा मसीह गा मंडली गा प्रति पौलुस गा गहरा प्यार के ओडेवा होय।
रूप-रेखा :
भूमिका 1:1-11
पौलुस गा हेजाका परिस्थितिनौर 1:12-26
मसीह गेन जीवन 1:27-2:18
तीमुथियुस एठा इपफ्रुदीतुस गा घल्जी योजनानौर 2:19-30
दुश्मनकु एठा खतरानौर गा खिलाफबेन चेतावनी 3:1-4:9
पौलुस एठा दियागा फिलिप्पी सोप्तीकु 4:10-20
उपसंहार 4:21-23
