ಪಿಲಿಪ್ಪಿ 1 - गवली उनाई नियमभूमिका 1 इंज पौलुस, मसीह यीशु गा भाग्य एठा तीमुथियुस गा कोनेटे फिलिप्पी शहर गेन थंदळ मिठाच परमेश्वर गा कुरकू के, सेंग्गोन मुख्याकु एठा सेवककु के इनी चिठ्ठी ओल्बा मेना। 2 आलेगा परमेश्वर बाटे एठा प्रभु यीशु मसीह गा कोनेटे कृपा एठा शांती आपेन घाटाऊ लज्जू। धन्यवाद एठा मसीह गा मंडली गा घल्जी प्रार्थना 3 जब चोलाकाभी इंज आपेगा बारेन सोचातिंज्बा मेना, इंज आपे घल्जी परमेश्वर गा धन्यवाद दडावा मेना। 4 एठा जब चोलाकाभी आपे सेबाईकु घल्जी प्रार्थना दडावा मेना, इंज खुशी गा सेंग्गोन प्रार्थना दडावा मेना। 5 इनिघल्जी कि पेला दिन टे टाइंज टाएन आपेनी अच्छा खाबोर फैलातिंजू गा कामय गेन इंजा मदत डाके। 6 जो परमेश्वर नी आपे कुरकू गेन इनी अच्छा कामय सुरुके डी यीशु मसीह डाबोलटे हेजे गा दिन टाएन डीके पुराएवा येनेगा इंजेन पूरा पक्का विश्वास होय। 7 इंजा घल्जी इनी साही होय, कि इंज्नी आपे सेबाईकु घल्जी येनोगोका सोचातिंज्के, चोयाकी आपे सेबाईकु इंजा दिलेनके होय। चोयाकी नका इंज जेलेन केटके मेना एठा डीच जब इंज अच्छा खाबोर गा घल्जी जवाब एठा प्रणाम जिऊ गेन आजादी रुपोटे कामय दडा लक्के डा। डी टेमो भी आपे सेबाईकु इंजा सेंग्गोन डी कृपा गेन बेल्लायु होना, जो परमेश्वर नी इंजा लिंजेन डाके होय। 8 इनी बातोन नी परमेश्वर इंजगा गवाह होय, कि इंज सच्चो मंडी लक्के मेना कि आपे सेबाईकु घल्जी इंजा दिल गेन इनी गहरा भावना खुद यीशु मसीह गा कोनेटे हेजेवा होय इनी बातो गेन परमेश्वर इंजा गवाह होय। 9 इंज इनी प्रार्थना दडावा मेना, कि आपेगा प्यार टाकूमिनी ज्ञान एठा दिमाग गेन एठाभी ठायका बळातिंजू। 10 ताकी आपे अच्छा-अच्छा टे चीजो गा साही चुनाव दडा गा लायको आरोए। जब मसीह हेजेवा, मेटे आपे डी दिन सेबाई बिसोटो एठा गुनाह टे पूरा रेंगो अजादुवा। 11 आपेगा जीवन धार्मिकता गा अच्छा गुणनौर टे एठा स्वाभवनौर टे भेट्टीयु, जो बस यीशु मसीह का आपेगा तलान ओटडेवा होय, दियागा द्वारा परमेश्वर गा महिमा एठा स्तुति डाऊवा लक्कू। पौलुस गा कैदी गा रुपो गेन सेवा 12 हे डाईचो, इंज चाहतावा मेना कि आपे चिनाया, कि जो चोचकाभी इंजा सेंग्गोन डाएन होय, देटे अच्छा खाबोर गा प्रचार गा कामय एठाभी खाट होय। 13 साबुत गा रुपोटे कैसर गा राजोभवन गा सेबाई सेना एठा घोनेच्का कुरकू इनी बातो हाडाई होय, कि इंज मसीह गा सेवक आरु गा वोजीटे जेलेनके मेना। 14 इंजा जेलेन थंदळ गा वोजीटे घोनेचका विश्वासी डाईचो के ताखत घाटाएन होय। दिकु प्रभु लिंजेन विश्वास धोटे पेला टे येठाभी हिम्मत गा सेंग्गोन परमेश्वर गा वचन प्रचार खुल्लाटे दडावा होय। 15 दिकु तलाटे अदा खोटो एठा झागळा गा वाजाटे मसीह प्रचार डाएवा होय, पेनो अदाकु अच्छा मन टे भी मसीह गा प्रचार डाएवा होय। 16 दिकु कुरकू जो अच्छा मन टे प्रचार दडावा होय, चोयाकी दिकु हाडाई होय, कि परमेश्वर नी इंज्के अच्छा खाबोर गा जवाब जिऊ एठा साबित दडा गा कामय जिले होय। 17 पेनो दिकु कुरकू जो खोटो टे मसीह गा प्रचार डाएवा होय, खुद गा फायदा गा घल्जी येनेगो दडावा होय। चोयाकी येनोगो दडा गा द्वारा दिकु सोचातिंज्बा होय, कि दिकु इंजा घल्जी जेलेन एठाभी मुसीबत ओडेवा। 18 येनेटे इंजेन चोच्का फरक बान बोचो। चाहे बुरा मकसद टे डाऊ या अच्छा मकसद टे डाऊ तुनिकाभी प्रकार टे डाऊ मसीह गा प्रचार नी डाऊ लक्के होय। इंज येनेटे खुशीके मेना एठा खुशी मनातिंजेवाका। 19 चोयाकी इंज हाडाई मेना, कि आपेगा प्रार्थना गा व्दारा, एठा प्रभु यीशु मसीह गा कोनेटे हेजे मिनी परमेश्वर गा आत्मा गा मदत गा द्वारा इंज अजादुवा। जीटा थंदळ मसीह होय 20 इंजा इनी हार्दिक इच्छा एठा आसा होय, कि इंजेन तुनिका बातो टे सेरोमजु बाकी होना, पेनो इंज पूरा बेफिकर टे मसीह गा बारेन मंडे जैसा आए भी मंडी लक्के मेना। देटे इंजगा कोम्बोर टे, चाहे जीटा टेमोन या गुजू टेमोन मसीह गा महिमा डाऊका लक्कू। 21 इनिघल्जी इंजा घल्जी जीटा थंदळ मसीह होय एठा गुजू फायदा होय। 22 पेनो अगर जीटाका थंदळ टासो, मेटे एठाभी शक्तीगा कामय डाएवा मेना, पेनो इंज चोच कालामे, इंज बान हाडाई। 23 इंज बरी भी कोनेटे मुश्किल गेन मेना, इंज इनी जीवन के आराटे मसीह गा मेरान सेने चाहता मेना जो कि इंजा घल्जी एठाभी साही होय 24 पेनो आपे घल्जी इंजा जीटा थंदळ एठाभी जरुरी होय। 25 इंजेन इनी पक्का होय एठा इनी हाडाई मेना, कि इंज जीटाका थंदळवा एठा आपेगा सेंग्गोन थंदळ टे आपेगा मदत डाएवा। देटे आपे विश्वास गेन बळातिंजू एठा खुशो थंदळे। 26 जब इंज आपेगा मेरान डाबोलटे हेजेवा, जो मसीह यीशु इंजा द्वारा दडा लक्के होय, मेटे आपे दियागा वोजीटे यीशु मसीह गा महिमा डाए चालेवाका। मसीह गेन जीवन 27 बस येटोका डाए कि आपेगा चाल-चालन मसीह गा अच्छा खाबोर गा लायको होय। चाहे इंज हेजेवा डो आपेके डोकोम, चाहे बाकी भी दोडो। मेटे भी आपेगा बारेन इनिका आजुमे, कि आपे म्याका मकसद टे एठा म्या मन आरुटे अच्छा खाबोर गा विश्वास गा घल्जी मेहनात दडावाका होय। 28 एठा आपेगा दुश्मनकु टे जो आपेके ससातातिंज्बा होय, दिकुटे बाकी हिगरा हमेशा हिम्मत डोए, एठा येनेटे इनी साबितदुवा कि डी नशोऊबा एठा आपे जीटाऊवा, चोयाकी परमेश्वर आपेके उध्दार एठा जीत जेबा होय। 29 चोयाकी आपे कुरकू के बस मसीह गेन विश्वास दडाका वरदान बान घाटाडुका पेनो दिया घल्जी कासु तुटूल गा वरदान भी घाटाएन होय। 30 नका आपे इंजा सेंग्गोन इनी युध्द गेन हिस्सा सेगेवा होय। इनी डीका युध्द होय, डीके आमनी इंज्के फिलिप्पी शहर गेन युध्द टे डोकेमी एठा जैसा कि आपे आजुम्बा होय, डीका युध्द गेन इंज टाइंज भी लडाईवा मेना। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation