ফিলিপীয়রাংনা INTRO1 - Garo New Testamentআগানচেংআনি ফিলিপী মন্ডলীচা পৌলনি চকগিবা চিঠি খুসি হংআনি হংআমিং। ইয়োন ইউরোপনি গিসেপো স্খাংগিবা মন্ডলী রিক্কা হং·আমিং। সালগ্রো গ্রীসনি গিসেপো রোমীয়রাংনি নিং·আও দংগিবা ম্যাসিডোনিয়া হা·দকো ইয়া মন্ডলী হং·আমিং। ফিলিপীচা জেলো দংআনি বিলসি চিখুংনি জা·মানো বিয়া ইয়া চিঠিখো চক্কামিং। উয়ো দংমিত্তিংও ইসল বিনা আইয়াও ইনমানানি মিংসা কামখো দাক্কামিং (ওয়াত্তেতা ১৬:১৬-৩৪)। গিম্মিকনা বাত্তে দাল·বাতা আইয়াও ইনমানানি কাম ইয়ান হং·আ বাং·গিজা সালোন বাং·খালে মান্দিরাং খ্রীষ্টখো বিবিরা·আমিং। ইয়া চিঠিখো চক্কো পৌল দা·আবা জেলো দংআমিং। খ্রীষ্টনা চাক্কে জেরাং কাম দাক্কিংআমিং বিসংনা বিয়া দুক মা·ন্নিংআমিং আরো ফিলিপীচা ব্রাংগিবা স্খিয়াখো র·ন্নানি হা·সেল বিয়া দংদিক-দংসি দাক্কিংআমিং। ইরাং দংওবা খ্রীষ্টনি সাক্কাও বিনি ফাংচাকাখো আরো খুসি হং·আনি খাৎথাখো বিয়া বিসংনা আগানামিং। বিনি আগানফ্রাকনা রি·য়াংও ফিলিপীনি বিবিরা·গিবারাংনি থাংখা র·ন্নে দাকচাকানা মিৎথেলাখো র·ন্নান ইয়া চিঠিনি মিকসংআ হং·আমিং। বিয়া বিসংমুং সাল বাং·এ দংজাওবা বিনি ইয়া চিঠিও ইখো থাল্লেন হা·আইনা মা·ন্না, ফিলিপীনি মন্ডলীনা বিনি খা·সাআ বাসিক বাং·আমিং। বিদিংরাং: (ক) পৌলনি সালাম র·ন্না, মিৎথেলা আরো বি·আ (১:১-১১ পদ) (খ) পৌলনি আন·থাংনি অবস্থা (১:১২-২৬ পদ) (গ) খ্রীষ্টনি গিত্তা রি·য়া (১:২৭-২:১৮ পদ) (ঘ) তীমথিয় আরো ইপাফ্রদীতনি গিত্তা দাক্কা (২:১৯-৩০ পদ) (ঙ) ব্রাংগিবা স্খিয়াখো স্খিগিবারাংনি গিম্মিন সিমসাকেতা (৩:১-৪:৯ পদ) (চ) ফিলিপীয় মন্ডলীনি হন·চাকানি গিম্মিন পৌলনি মিৎথেলা (ছ) বন·খামগিবা সালাম আরো ফাত্তিয়ানি (৪:২১-২৩পদ) |
This translation was published by The Bangladesh Bible Society in 2004 © BBS 2004.