ইব্রীয়রাংনা 3 - Garo New Testament

যীশু মোশিনা বাত্তেবা দাল·বাতা

¹ উনি গিম্মিন রংথালগিবা জংআদারাং, না·সং জেরাং সালগিখো মান·রিকগিবা হং·না ইন্নে বিনি রিক্কামাও খু·চাকজক, না·সং যীশুনি গিম্মিনো গিসিক নাংবো। জেখো আনচিং বিবিরা·জক বিয়ান ইসলনি ওয়াত্তেতগিবা উয়া মান্দি আরো উয়া খামাল দাল·বাৎগিবা হং·আ।

² ইসলনি নকনি মান্দিরাংখো নিরক্ষিয়ানি কামও মোশি জেদাক্কে বিবিরা·না খ্রাগিবা হং·আমিং উয়ানদাক্কে যীশুখো জেআন বাচ্ছিয়ে রা·আমিং উয়া ইসলচা বিয়াবা বিবিরা·না খ্রাগিবা হং·আমিং।

³ জে মান্দি নকখো রিক্কা বিয়া জেদাক্কে উয়া নকনা বাত্তে বাং·এ মান্দিরা·আখো মা·ন্না, উগিত্তা ইসল যীশুখো মোশিনা বাত্তে আরোবা বাং·এ রাসংখো মান·রিকগিবা ইন্নে চানচিজক।

⁴ গি·ফ্রাক নকখো সাকসা হং·জাওদে দা·আও সাকসা রিক্কা, ইন্দিবা ইসলান গিম্মিকখো রিকজক।

⁵ বিবিন মোশি ইসলনি নক্কো দাকচাকে হন·গিবা গিত্তা বিবিরা·না খ্রাগিবা হং·আমিং, জেদাক্কে রি·বাগিবা চাসংও জেখো আগানা হং·নুয়া উনি গিম্মিনো বিয়া সাক্ষি হ·ন্না মা·ন্না।

⁶ ইন্দিবা খ্রীষ্ট উয়া নকনি দেফান্থি গিত্তা বিবিরা·না খ্রাগিবা হং·আমিং। আনচিংনি খা·দংবিবিয়ানি গিম্মিন গিসিকো জে হান·সেংআ রি·বাআ, উয়ো আনচিং বন·খামাওনা দিপ্পাৎ খেম·খেমে দংওদে নিকনা মা·ন্নুয়া, আনচিংআন ইসলনি নকনি মান্দি হং·আ।

বিবিরা·গিজানি গিম্মিনো সিমসাকেতা

⁷ উনি গিম্মিন গিসিক রংথালগিবা আগানামিং, “দা·আলো না·সং বিনি খাৎথাও নাচিল সংওদে!

⁸ বিয়া আগানা, না·সংনি ফাগিৎচামরাং গিত্তা না·সংনি খা·থংখো না·সং দা·আ রাক্কেতাবো। বিসং হা·গিসি জওলো বোবিল দাক্কে চাখাতে আংখো পরীক্ষা দাক্কামিং।

⁹ না·সংনি ফাগিৎচামরাং উনো আংখো থিকখেলে নিআমিং, আরো বিলসি সৎব্রি দিপ্পাৎ উয়া সময়নি মান্দিরাং আংনি কামখো নিক্কামিং।

¹⁰ আংআ বিসংনি সাক্কাও নাম্মেন মাংমেংএ আগানামিং, ‘ইয়া মান্দিরাংনি খা·থং ব্রাংগিবা রামাও রওমিংজক; বিসং আংনি রামাখো হা·আইজাজক।’

¹¹ উনি গিম্মিন আংআ খা·আওনাংএ মিকচেতি আগানামিং, ‘আংনি হন·গিবা নেং·থাকানি হা·দামচা বিসং রি·য়াংনা মান·জানুয়া।’ ”

¹² জংআদারাং, সিমসাকবো! না·সংনি গিসেপো দারাংনি গিসিক জেদাক্কে নামগিজাগিবা আরো বিবিরা·গিজাগিবা হং·জা। ইন্দাকগিবা গিসিক থাংগিবা ইসলওনি চে·ল্লাচা রি·য়াংআ।

¹³ ইনা বাত্তে জেনসালোনা দিপ্পাৎ রংথালগিবা শাস্ত্রনি ‘দা·আল’ খাৎথাখো আগান্না মা·ন্না, উনি সালরিক্ষিতান না·সং সাকসা সাকগিপ্পিননা খা·দংএতবো, জেদাক্কে না·সংনি দারাংনি গিসিক পাপনি বু·দাপাও গা·আকে রাকজা;

¹⁴ মুয়ানা স্খাং জে খাকখেৎ খা·দংআ আনচিংনি দংআমিং, আনচিং উয়ো বন·খামাওনা দিপ্পাৎ খেম·খেমে দংওদে নিকনা মা·ন্নুয়া, আনচিং খ্রীষ্টমুং মান·রিকফাগিবা হং·জক।

¹⁵ অকখিসা স্খাং মা·মাং আগানা, দা·আল না·সং বিনি খাৎথাও নাচিল সংওদে! বিয়া আগানজক, “না·সংনি ফাগিৎচামরাং গিত্তা না·সংনি খা·থংখো না·সং দা·আ রাক্কেতাবো।”

¹⁶ সারাং ইসলনি খাৎথাখো খিন্নাএবা বিখো মাংমেংএতামিং? বিসং উয়া মান্দিরাং হং·জামা জেরাংখো মোশি মিসর হা·সংওনিখো রং·খাতে রা·বামিং?

¹⁷ আরো বিলসি সৎব্রি দিপ্পাৎ ইসল সারাংনি সাক্কাও খা·আওনাংএ দংআমিং? বিসং উয়া মান্দিরাং হং·জামা জেরাং পাপ দাক্কামিং আরো জেরাংনি মাংগিসিরাং হা·গিসি জওলো গা·আকে দংআমিং?

¹⁸ আরো সারাংচাবা ইসল মিকচেতি আগানামিং, বিসং বিনি হন·গিবা নেং·থাকানি হা·দামচা রি·য়াংনা মান·জানুয়া? বিসং উয়া মান্দিরাং হং·জামা জেরাং বিখো বিবিরা·গিজা মানিজামিং?

¹⁹ ইয়ো নিকনা মা·ন্না, বিসংনি বিবিরা·গিজানি গিম্মিনান বিসং ইসলনি হন·গিবা নেং·থাকানি হা·দামচা রি·য়াংনা মান·জামিং।