NA SAME 84 - Ai Vola Tabu (Vakadewa Makawa Vakavoutaki 2021)

Na Talei ni Sokalou e na Vale ni Kalou

Vua nai liuliu ni sere: me vaka na Kitica. A nodra Same na luve i Kora.

¹ A ka domoni vakaidina na nomuni vale, Jiova-ni-lewevuqa!

² Sa guta vakalevu na yaloqu, ia sa mate e na via tiko e na lomanibai i Jiova; Sa tagica na Kalou bula na lomaqu kei na lewequ.

³ Io, sa kunea na vale na separo, kei na kakabace na nona sova, me vakalutulutu kina, io, na nomuni cabocabo-ni-soro, Jiova-ni-lewevuqa, na noqu Tui, kei na noqu Kalou.

⁴ Sa kalougata ko ira era tiko vakadua e nomuni vale, era sa ia tiko na vakavinavinaka vei kemuni. Sela

⁵ Sa kalougata na tamata ko ni sa vu ni nona kaukauwa, ka sa tiko e lomana na nomuni lakolako.

⁶ Ni sa daulako e na Buca ko Baka ka sa cakava kina na mataniwai; ka sa vakasinaiti e na uca na mataniwai.

⁷ Sa vakaikuritaki tikoga na nodra kaukauwa; ka ra sa dui rairai e na mata ni Kalou mai Saioni.

⁸ I Jiova na Kalou-ni-lewevuqa, ni rogoca na noqu masu; mo ni vaqara daligamuni, na Kalou i Jekope! Sela

⁹ Mo ni rai mai, na Kalou, na neimami sasabai; ka raica na matana ko ni a lumuta.

¹⁰ Ni sa vinaka e dua na siga e na nomuni lomanibai ka ca e dua na udolu na siga e na tikina tani. Ia ka'u sa vinakata ni'u sai vakatawa-ni-katuba ni vale ni noqu Kalou ka cata ni'u sa tiko vakadua e nodra veivale laca nai valavala ca.

¹¹ Ia na Kalou ko Jiova na mata-ni-siga kei nai sasabai; ena solia ko Jiova na loloma kei na vakarokoroko. Ena sega ni bureitaka e dua na ka vinaka vei ira era sa lako vakadodonu.

¹² I Jiova-ni-lewevuqa, sa kalougata na tamata sa vakararavi vei kemuni!