NA SAME 138 - Ai Vola Tabu (Vakadewa Makawa Vakavoutaki 2021)

Na Vakavinavinaka kei na Vakacaucau

A nei Tevita.

¹ Au na vakavinavinaka vei kemuni Jiova, e na lomaqu taucoko; e matadra na kalou ka'u na seretaka na vakavinavinaka vei kemuni.

² Au na masu vaka ki na nomuni vale tabu, ka vakamolimoli ki na yacamuni e na vuku ni nomuni yalololoma kei na nomuni dina; ni kemuni sa vakalevulevuya na nomuni vosa me uasivia na yacamuni.

³ E na siga ka'u a tagi kina ko ni a vakarorogo vei au, ka vaqaqataki au e na yaloqu e na kaukauwa.

⁴ Era na vakavinavinaka vei kemuni Jiova, na tui kecega e vuravura, ni ra sa rogoca na vosa ni gusumuni.

⁵ Era na seretaka nai valavala i Jiova ni sa ka levu nai ukuuku i Jiova.

⁶ E dina sa cecere ko Jiova, ia sa vakaraici ira era sa yalomalumalumu; ia sa kilai ira vakayawa na viavialevu.

⁷ Kevaka ka'u sa lako e na loma ni ka rarawa, ko ni na vakaukauwataki au; o ni na dodoka na ligamuni ki na nodra cudru na noqu meca, ka na vakabulai au na ligamuni matau.

⁸ Ena vakaotia ko Jiova na ka sa vo e na vukuqu; sa sega ni mudu, i Jiova, na nomuni loloma. Mo ni kakua ni biuta na cakacaka ni ligamuni.