NA SAME 137 - Ai Vola Tabu (Vakadewa Makawa Vakavoutaki 2021)

A Nodra Tagi na Isireli me Baleti Jerusalemi

¹ Ena bati ni uciwai mai Papiloni— eda a tiko sobu; io, eda a tagi, ni da a nanumi Saioni.

² Eda a vakarubeca na noda api e na maliwa ni wilou.

³ Ia ko ira mai kea era a kauti keda vakabobula era sa kerei keda me da ia na sere, kei ira na vakacacani keda era sa kerea me da vakamarautaki ira, ka ra sa kaya, “Dou lagata vei keimami e dua na sere kei Saioni!”

⁴ Eda na seretaka vakacava na sere i Jiova e na nodra vanua na kai tani?

⁵ Kevaka ka'u sa guilecavi iko, Jerusalemi, me qai guilecava na nona maqosa na ligaqu i matau.

⁶ Kevaka ka'u sa sega ni nanumi iko, me qai kabita sara na loma ni gusuqu e cake na yamequ; kevaka ka'u sa sega ni rekitaki Jerusalemi vakalevu ka vakalailai na ka kecega ka'u sa daurekitaka.

⁷ Mo ni nanumi ira Jiova, na luve i Itomi e na siga i Jerusalemi; o ira era kaya, “Dou basuraka sobu! Dou basuraka sobu! Me talaraki sobu ki na kena yavu!”

⁸ O iko, na goneyalewa ni Papiloni, sa lewai mo vakarusai! Sa na kalougata ko koya sa sauma lesu vei iko na veika ko a cakava vei keimami!

⁹ Sa na kalougata ko koya sa taura na nomu gone lalai ka viritaka ki na vatu!