NA SAME 129 - Ai Vola Tabu (Vakadewa Makawa Vakavoutaki 2021)

A Masu me Vakadrukai na Meca

A Sere ni cabecabe.

¹ “Sa ka levu sara na nodra vakararawataki au mai na gauna ka'u a cauravou kina” —me qai kaya mada oqo ko Isireli—

² “Sa ka levu sara na nodra vakararawataki au mai na gauna ka'u a cauravou kina, ia era sa sega ga ni gumatua rawa vei au.

³ Era a cukita na dakuqu ko ira na daucuki; ka ra vakabalavutaka na nodra i tova.”

⁴ Sa yalododonu ko Jiova; sa cebedrutia laivi nai vau ni tamata i valavala ca.

⁵ Me ra vakamaduataki ka vakalesui ki muri, ko ira era sa cati Saioni.

⁶ Me ra vaka na co mai na dela ni veivale, o koya sa malai yani ni sa sega ni tubu vinaka,

⁷ sa sega ni tawa kina na liga i koya sa dautamusuki sila; se na lomasere i koya sa vau sila,

⁸ a ra sa sega talega ni kaya ko ira era sa lako voli kina, “Me vakalougatataki kemudou mada ko Jiova! Keitou sa vosavakalougatataki kemudou e na yaca i Jiova!”