NA SAME 124 - Ai Vola Tabu (Vakadewa Makawa Vakavoutaki 2021)

Na Vakavinavinaka e na Vuku ni Vakabulai nei Isireli

A Sere ni cabecabe. A nei Tevita.

¹ Kevaka a sega beka ni totaki keda ko Jiova— me qai kaya oqo ko Isireli—

² ke a sega beka ni totaki keda ko Jiova e na gauna era tucake vakaivalu kina vei keda na tamata,

³ ke ra sa qai tilomi keda bulabula, ni sa waqa mai na nodra cudru vei keda;

⁴ ke sa qai luvuci keda na wai, ka drodrova na yaloda na uciwai;

⁵ ke sa qai drodrova na yaloda na wai levu.

⁶ Me vakacaucautaki ko Jiova, o koya sa sega ni soli keda me rawai keda na batidra.

⁷ Sa dro bula na yaloda me vaka na manumanu mai na nodra tudai na daubiri dai; sa cavuka oti na tudai, ia eda sa dro bula!

⁸ Na veivuke me noda sa koto e na yaca i Jiova, o koya ka buli lomalagi kei vuravura.