Jope 25 - Ai Vola Tabu (Vakadewa Makawa Vakavoutaki 2021)

Sa Vosa ko Vilitati: E Rawa Vakacava Vua na Tamata me Yalododonu e na Mata ni Kalou?

¹ Sa qai vosa ko Vilitati na luve i Sua, ka kaya:

² “Na lewa kei na ka vakurabui sa tu vua na Kalou; sa vakayacora ko koya na tiko sautu e nona vanua cecere.

³ Sa wiliki rawa li na nona mataivalu? Ia ko cei li sa sega ni cadra vua na nona rarama?

⁴ Ena qai dodonu rawa vakaevei na tamata vua na Kalou? Ena savasava rawa vakaevei ko koya sa sucu mai vua na yalewa?

⁵ Raica, ni kevaka sa sega ni serau mai na vula, ka sa sega ni savasava e matana na kalokalo,

⁶ ena qai vakaevei na lailai sobu ni tamata, ni sa manumanu somidi walega, kei na luve ni tamata, ni sa baca-ni-qele walega!”