Jope 21 - Ai Vola Tabu (Vakadewa Makawa Vakavoutaki 2021)

Vosa ko Jope: Era Daurawa-ka Vinaka Talega na Tamata Ca

¹ A sa vosa ko Jope, ka kaya:

² “Dou vakarorogo vakavinaka ki na noqu vosa, ka me na veivakacegui vei kemudou oqo.

³ Dou vosoti au mada me'u vosa; ka dou qai ia tiko na veivakalialiai ni'u sa vosa oti.

⁴ Me baleti au, sa vagolei beka na noqu tagi vua na tamata? Ka cava na vuna me'u kakua kina ni vosota vakarawarawa?

⁵ Dou raici au mada, ka mo dou kurabui, ka tabonaka na gusumudou.

⁶ Ni'u sa vakananuma tiko ka'u sa kidroa, ka sa sautaninini na lewequ.

⁷ A cava era sa bula tikoga kina nai valavala ca, ka yaco me ra qase, io, ka ra tubu cake e na kaukauwa?

⁸ Era sa vakataudeitaki vata kei na nodra kawa e matadra, kei na luvedra talega e matadra.

⁹ Sa sega na rere mai na nodra veivale, ka sa sega ni tau vei ira na kuita ni Kalou.

¹⁰ Sa susugi vinaka na nodra bulumakau tagane ka sega ni leqa; sa vakasucu na nodra bulumakau yalewa ka sa sega ni lutudole na luvena.

¹¹ Era sa vakatubura na nodra lalai me vaka na qele ni sipi, ka ra meke voli na luvedra.

¹² Era sa taura na tibereli kei na api, ka rekitaka na domo ni kove.

¹³ Era vakayagataka na nodra siga e na bula marau, ka ra lako sobu e na yalo vakacegu ki nai bulubulu.

¹⁴ Era sa kaya vua na Kalou, ‘Lako tani vei keitou! Keitou sa sega ni via kila na nomu sala.

¹⁵ Ko cei ko Koya sa Kaukauwa, me keitou qaravi koya? Ka cava talega na betena vei keitou kevaka keitou masu vua?’

¹⁶ Raica, sa sega li ni tiko ga e ligadra na nodra tiko marau? Sa yawa vei au na nodra lewa nai valavala ca.

¹⁷ “Sa daubokoci vakavica li na nodra cina nai valavala ca? Ka sa yacovi ira vakavica li na veivakarusai? Sa vota vakavica li na rarawa vei ira na Kalou e nona cudru?

¹⁸ Sa vakavica me ra vaka na vu-ni-sila e na mata ni cagi, ka vaka na qa-ni-sila sa kauta tani na cava?

¹⁹ Ko sa kaya, ‘Sa maroroya na Kalou na nodra i valavala ca me kedra na luvena.’ Laiva me qai sauma vua ko koya, ka me rawa ni ra kila kina.

²⁰ Laiva me ra kunea e matadra na nodra rusa, ka laiva me ra gunuva na cudru i Koya sa Kaukauwa.

²¹ Ni na vinakata vakaevei ko koya na nona vuvale sa taravi koya, ni sa muduki koso na nona bula?

²² Sa dua beka me vakavulici koya na Kalou me vuku, ni sa raici rawa ni sa daulewai ira era sa cecere?

²³ Sa mate e dua ni sa yago kaukauwa sara, ni sa vakataucokotaki sara ka taqomaki vinaka.

²⁴ A sucuna sa to sara e na wai-ni-sucu, ka sa suasua na uto-ni-suina.

²⁵ A sa mate e dua tale ni sa rarawa na yalona, ka sa sega ni kana e na vakacegu.

²⁶ Era na koto vata e na kuvu-ni-soso, ka ubi ira na baca ni qele.

²⁷ “Raica, ka'u sa kila na ka dou sa nanuma, kei na nomudou vakalewai au vakaca.

²⁸ Ni dou sa kaya, ‘Sa evei na nona vale na turaga? Sa evei na nodra i tikotiko nai valavala ca?’

²⁹ Dou sa sega beka ni tarogi ira era sa lako tu e na sala, ka sega beka ni ciqoma na nodra i tukutuku,

³⁰ ni ra sa daumaroroi e na siga ni rusa na tamata ca, ka ra sa dauvuetaki e na siga ni cudru?

³¹ Ko cei sa tukuna votu vua na nona i valavala, ka ko cei me sauma vua na ka sa cakava ko koya?

³² Ni sa colati yani ki nai bulubulu ko koya, era na yadrava na nona i bulubulu.

³³ Na qele e na buca ena kamikamica vua; ena muri koya na tamata kecega, kei ira sa liu vua era sa sega ni wiliki rawa.

³⁴ E na sala cava dou na qai vakacegui au kina mai na veika e lala wale ga? Sa sega tale ni vo e dua na nomudou i sau ni taro, ia na lasu ga.”