Xónusɔ́ɖóte
Gbeyíɖɔ Mawu tɔn Sofoníi ɖɔ nú Judáa togun ɔ́ ɖɔ Mawu Mavɔmavɔ zán ɔ́ ja. Awǎjijɛ sín azǎn wɛ azǎn énɛ́ ɔ́ ná nyí ǎ. Tódɔnnúmɛ kpó nǔhɛngblé kpó sín azǎn wɛ. Mawu Mavɔmavɔ ná dɔn tó nú akɔta ɖě lɛ́ɛ lɔmɔ̌. Togun ɔ́ hu hwɛ, é ká ɖó ná lɛ́ kɔ wá Mawu gɔ́n. É ná wá su gbe ɖokpó bɔ gbɛ ɔ́ bǐ ná sɛn Mawu Mavɔmavɔ. Sofoníi ɖɔ nú togun Mawu tɔn ɔ́ ɖɔ:
“Mi lɛ́ kɔ wá Mawu Mavɔmavɔ gɔ́n, mi mɛ e zé miɖée hwe ɖo to ɔ́ mɛ lɛ́ɛ; mi mɛ e nɔ se tónú nú sɛ́n tɔn lɛ́ɛ mi, mi ba Mawu Mavɔmavɔ mɔ.
Mi wa nǔ jlɔ́jlɔ́, mi zé miɖée hwe ɖo Mawu nukɔn.
Afɔ nyɔ́ ɔ́, mi sixú gán gbe e gbe xomɛsin Mawu Mavɔmavɔ tɔn ná wá é.” (2.3)
Nǔ tají tají e ɖo wěma ɔ́ mɛ lɛ́ɛ
Mawu Mavɔmavɔ zán ɔ́ ná syɛ́n (1.1—2.3)
Mawu Mavɔmavɔ ná ɖɔ hwɛ xá akɔta ɖě lɛ́ɛ lɔmɔ̌ (2.4-15)
Jeluzalɛ́mu toxo ɔ́ hu hwɛ, amɔ̌, Mawu Mavɔmavɔ ná vɔ́ bló ɖó (3.1-20)
