भूमिका
इद पत्र येसु मसिना सोबाता पोल्लो वेहानाता कारण येसुना खास चेला पोलुस जेहलतिगा मन्दाना बेरा फिलिप्पि सहेरता मसिलोकुरा सभातुन धन्यवाद किस ओरा मसि विस्वासता प्रोत्साहन कियान साटि कोटता मन्ता।
आपुना जिवाते बाताल बाताल आतु ते वने ओद सबोय मसिना सोबाता पोल्लोता फयलेमायाना साटि आतु इन्जोर पोलुस इद पत्रतिगा वेहान्तोर। दरोज आपुना जिवाते मसिना हजोरपण आयिला पहाजे इदाम ओर विचार किन्तोर। येसु मसिना स्वभाव मावागा वने तोहिला पहाजे, ओर परमेस्वर मतोर मति परमेस्वरनासंग मन्दाना ओद पद तासिस मानेय आस दरतितिगा जनम आतुर अनि हायानावनाह आपुना बाबो परमेस्वरना आग्या मानेमास वरोर दासता रुपते आपुनतुन तोहतुर। इन्जोर परमेस्वर ओन सबोय पोरोयताल हजोर पोरोय हितुर अनि आपुना तिन्दान कय बासा सबोयताल हजोर पदतिगा उपिहतुर। चतराल अनि हेकळ लोकुरा नडुम अन्दकारता जागादिगा वेळिचिते मन्दाना लेहका निमाट परमेस्वरना पोल्लो वेहच ताकसोर मन्ट।
येसु मसिना अनि ओना असा जिवेमायानाता लावतुन पुन्ज ओना पकाय तकलिपतिगा संगत आस बदाम येसु मसि हातोरिगाडाल असा जिवेमातुर अदामे हातोरिगाडाल असा जिवेमायाना साटि पोलुस वने आशा किन्तोर। प्रबुनिगा दरोज गिरदाते मन्ज ओना विस्वासतिगा स्थिर मन्ट इन्जोर ओर प्रोत्साहन किन्तोर।
इद पत्र वाचेकियान साटि मिकुन सन्दि पुटतु इन्जोर नना परमेस्वरना धन्यवाद किन्तोना। इद पत्र वाचेकियानाता कारण मिया जिवनते मसिना स्वभाव अनि मसिना जिवनता सोबाय कायांग मिया जिवनतिगा तोहान साटि परमेस्वर मिकुन मदत केविर। मिया जिवनता द्वारा दुसरो लोकुरकुन वने प्रबु येसु मसिन समजेमायाना सन्दि पुटि। अनि निमाट प्रबुनिगा दरोज गिरदाते मन्ट। परमेस्वर मिकुन आशिष हेविर।
रुप-रेखा
भूमिका १:१-११
पोलुसना व्यक्तिगत परिस्थिति १:१२-२६
मसिनिगा जिवन १:२७—२:१८
तिमुति अनि इप्पफ्रुदितुस साटि योजना २:१९-३०
परमेस्वरना येताना योग्य बनेमायाना ३:१—४:९
पोलुस अनि फिलिप्पि सहेरता मसिलोकुरा सभाता गोतियालोरक ४:१०-२०
उपसंहार ४:२१-२३
