भजन-संहिता 150 - पबितर बाईबलसमकालीन छत्तीसगढ़ी अनुवादभजन-संहिता 150 1 यहोवा के परसंसा करव। परमेसर के ओकर पबितर-स्थान म परसंसा करव; ओकर सक्तिसाली अकास-मंडल म ओकर परसंसा करव। 2 ओकर पराकरम के काम बर ओकर परसंसा करव; ओकर अति महानता बर ओकर परसंसा करव। 3 तुरही बजाके ओकर परसंसा करव, बीना अऊ सारंगी बजाके ओकर परसंसा करव, 4 खंजरी बजात अऊ नाचत ओकर परसंसा करव, तारवाला बाजा अऊ बांसुरी बजात ओकर परसंसा करव, 5 जोर से झांझ बजाके ओकर परसंसा करव, मंजीरा के झंकार ले ओकर परसंसा करव। 6 हर एक जीयत परानी ह यहोवा के परसंसा करय। यहोवा के परसंसा करव। |
पबितर बाईबल, समकालीन छत्तीसगढ़ी अनुवाद™ एस सी ए™
कापीराईट © 2012, 2016, 2021, 2024 Biblica, Inc.
Biblica, Inc. के अनुमति के दुवारा उपयोग। पूरा संसार म जम्मो अधिकार सुरछित।
Holy Bible, Chhattisgarhi Contemporary Version™ SCA™
Copyright © 2012, 2016, 2021, 2024 by Biblica, Inc.
Used by permission of Biblica, Inc. All rights reserved worldwide.
Biblica, Inc.