भजन-संहिता 15 - पबितर बाईबलसमकालीन छत्तीसगढ़ी अनुवाद

भजन-संहिता 15

दाऊद के एक भजन।

¹ हे यहोवा, तोर पबितर तम्बू म कोन निवास कर सकथे? तोर पबितर पहाड़ म कोन रह सकथे?

² ओ, जेकर चालचलन ह निरदोस हे, जऊन ह धरमी काम करथे, जऊन ह अपन हिरदय ले सच बोलथे;

³ जेकर मुहूं ले निन्दा के बात नइं निकलय, जऊन ह अपन परोसी के बिरूध कोनो गलत काम नइं करय, अऊ आने मन के निन्दा नइं करय;

⁴ जऊन ह दुस्ट मनखे ला तुछ समझथे पर ओमन के आदर करथे, जेमन यहोवा ले डरथें; जऊन ह हानि उठाके घलो अपन सपथ ला पूरा करथे, अऊ अपन मन ला नइं बदलय;

⁵ जऊन ह बिगर बियाज के गरीब ला अपन पईसा उधार देथे; जऊन ह निरदोस मनखे ले घूस नइं लेवय। जऊन ह ये काममन ला करथे, ओह कभू नइं डोलय।