गनती 7 - पबितर बाईबलसमकालीन छत्तीसगढ़ी अनुवाद

परमेसर के पबितर-तम्बू के समरपन के बेरा चढ़ावा

¹ जब मूसा ह पबितर-तम्बू ला खड़े कर लीस, त ओह ओला ओकर जम्मो सामान सहित अभिसेक करिस अऊ ओला पबितर करिस। ओह बेदी अऊ ओकर जम्मो बरतनमन ला घलो अभिसेक करिस अऊ पबितर करिस,

² तब इसरायल के अगुवामन, परिवारमन के ओ मुखियामन बलिदान चघाईन, जऊन मन ओमन के गोत्र के मुखिया रिहिन, जेमन ला गने गीस।

³ ओमन यहोवा के आघू म अपन चढ़ावा के रूप म छै ठन ढंपे बईला गाड़ी अऊ बारह ठन बईला लानिन—एक बईला एक अगुवा ले अऊ एक गाड़ी हर दू झन अगुवा ले। येमन ला ओमन पबितर-तम्बू के आघू म भेंट कर दीन।

⁴ तब यहोवा ह मूसा ला कहिस,

⁵ “ये चीजमन ला ओमन ले लेय ले, ताकि येमन के उपयोग मिलापवाला तम्बू के काम म करे जा सकय। लेवीमन ला ओमन के काम के मुताबिक येमन ला देय दे।”

⁶ तब मूसा ह गाड़ी अऊ बईलामन ला लेके लेवीमन ला दे दीस।

⁷ ओह गेरसोन के परिवार ला ओमन के काम के मुताबिक दू ठन गाड़ी अऊ चार ठन बईला दीस,

⁸ अऊ मरारीमन ला ओमन के काम के मुताबिक चार ठन गाड़ी अऊ आठ ठन बईला दीस। ओमन जम्मो हारून पुरोहित के बेटा ईतामार के अधीन काम करंय।

⁹ पर मूसा ह कहातीमन ला कुछू नइं दीस, काबरकि ओमन पबितर चीजमन ला अपन कंधा म उठाके ले जावंय, अऊ येह ओमन के जिम्मेदारी रिहिस।

¹⁰ जब बेदी के अभिसेक करे गीस, तब अगुवामन येकर समरपन बर अपन चढ़ावा ला लानके बेदी के आघू म रखिन।

¹¹ काबरकि यहोवा ह मूसा ला कहे रिहिस, “बेदी के समरपन बर हर दिन एक अगुवा अपन चढ़ावा ला लानय।”

¹² जऊन ह पहिले दिन चढ़ावा लानिस, ओह यहूदा के गोत्र के अमीनादाब के बेटा नहसोन रिहिस।

¹³ ओकर चढ़ावा ये रिहिस: पबितर-स्थान के सेकेल के मुताबिक एक सौ तीस सेकेल वजन के एक ठन चांदी के थाली अऊ सत्तर सेकेल वजन के छिंचनेवाला एक ठन चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;

¹⁴ धूप ले भरे दस सेकेल के एक ठन सोन के धूपदान;

¹⁵ होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;

¹⁶ पाप-बलिदान बर एक ठन बोकरा;

¹⁷ अऊ मेल-बलिदान के रूप म चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला। येह अमीनादाब के बेटा नहसोन के चढ़ावा रिहिस।

¹⁸ दूसर दिन इस्साकार गोत्र के अगुवा सूआर के बेटा नतनेल अपन चढ़ावा लानिस।

¹⁹ ओकर चढ़ावा ये रिहिस: पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के एक ठन छिंचनेवाला चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;

²⁰ धूप ले भरे दस सेकेल के एक ठन सोन के धूपदान;

²¹ होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;

²² पाप-बलिदान बर एक ठन बोकरा;

²³ अऊ मेल-बलिदान के रूप म चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला। येह सूआर के बेटा नतनेल के चढ़ावा रिहिस।

²⁴ तीसर दिन, जबूलून के मनखेमन के अगुवा हेलोन के बेटा एलीआब अपन चढ़ावा लानिस।

²⁵ ओकर चढ़ावा ये रिहिस: पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के एक ठन छिंचनेवाला चांदी के कटोरा, अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन।

²⁶ धूप ले भरे दस सेकेल के एक ठन सोन के धूपदान;

²⁷ होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;

²⁸ पाप-बलिदान बर एक ठन बोकरा;

²⁹ अऊ मेल-बलिदान के रूप म चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला। येह हेलोन के बेटा एलीआब के चढ़ावा रिहिस।

³⁰ चौथा दिन, रूबेन के मनखेमन के अगुवा सदेऊर के बेटा एलीसूर अपन चढ़ावा लानिस।

³¹ ओकर चढ़ावा ये रिहिस: पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के छिंचनेवाला एक ठन चांदी के कटोरा, अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;

³² धूप ले भरे दस सेकेल के एक ठन सोन के धूपदान;

³³ होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;

³⁴ पाप-बलिदान बर एक ठन बोकरा;

³⁵ अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला। येह सदेऊर के बेटा एलीसूर के चढ़ावा रिहिस।

³⁶ पांचवां दिन सिमोन के मनखेमन के अगुवा सूरीसद्दाय के बेटा सलूमीएल अपन चढ़ावा लानिस।

³⁷ ओकर चढ़ावा ये रिहिस: पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के छिंचनेवाला एक ठन चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;

³⁸ धूप ले भरे, दस सेकेल के एक ठन सोन के धूपदान;

³⁹ होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;

⁴⁰ पाप-बलिदान बर एक ठन बोकरा;

⁴¹ अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला। येह सूरीसद्दाय के बेटा सलूमीएल के चढ़ावा रिहिस।

⁴² छठवां दिन गाद के मनखेमन के अगुवा दूएल के बेटा एलियासाप अपन चढ़ावा लानिस।

⁴³ ओकर चढ़ावा ये रिहिस: पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के छिंचनेवाला एक ठन चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;

⁴⁴ धूप ले भरे, दस सेकेल के एक ठन सोन के धूपदान;

⁴⁵ होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;

⁴⁶ पाप-बलिदान बर एक ठन बोकरा;

⁴⁷ अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला। येह दूएल के बेटा एलियासाप के चढ़ावा रिहिस।

⁴⁸ सातवां दिन एपरैम के मनखेमन के अगुवा अमीहूद के बेटा एलीसामा अपन चढ़ावा लानिस।

⁴⁹ ओकर चढ़ावा ये रिहिस: पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के छिंचनेवाला एक ठन चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;

⁵⁰ धूप ले भरे, दस सेकेल के एक ठन सोन के धूपदान;

⁵¹ होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;

⁵² पाप-बलिदान बर एक ठन बोकरा;

⁵³ अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला। येह अमीहूद के बेटा एलीसामा के चढ़ावा रिहिस।

⁵⁴ आठवां दिन मनस्से के मनखेमन के अगुवा पदासूर के बेटा गमलीएल ह अपन चढ़ावा लानिस।

⁵⁵ ओकर चढ़ावा ये रिहिस: पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के छिंचनेवाला एक ठन चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;

⁵⁶ धूप ले भरे दस सेकेल के एक ठन सोन के धूपदान;

⁵⁷ होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;

⁵⁸ पाप-बलिदान बर एक ठन बोकरा;

⁵⁹ अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला। येह पदासूर के बेटा गमलीएल के चढ़ावा रिहिस।

⁶⁰ नौवां दिन बिनयामीन के मनखेमन के अगुवा गिदोनी के बेटा अबीदान ह अपन चढ़ावा लानिस।

⁶¹ ओकर चढ़ावा ये रिहिस: पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के एक ठन छिंचनेवाला चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;

⁶² धूप ले भरे दस सेकेल के एक ठन सोन के धूपदान;

⁶³ होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;

⁶⁴ पाप-बलिदान बर एक ठन बोकरा;

⁶⁵ अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला। येह गिदोनी के बेटा अबीदान के चढ़ावा रिहिस।

⁶⁶ दसवां दिन दान के मनखेमन के अगुवा अम्मीसद्दाय के बेटा अहीएजेर ह अपन चढ़ावा लानिस।

⁶⁷ ओकर चढ़ावा ये रिहिस: पबितर-स्थान के सेकेल के मुताबिक एक सौ तीस सेकेल के एक ठन चांदी के थाली अऊ सत्तर सेकेल के छिंचनेवाला एक ठन चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;

⁶⁸ धूप ले भरे, दस सेकेल के एक ठन सोन के धूपदान;

⁶⁹ होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;

⁷⁰ पाप-बलिदान बर एक ठन बोकरा;

⁷¹ अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला। येह अम्मीसद्दाय के बेटा अहीएजेर के चढ़ावा रिहिस।

⁷² गियारहवां दिन आसेर के मनखेमन के अगुवा ओकरान के बेटा पगीएल अपन चढ़ावा लानिस।

⁷³ ओकर चढ़ावा ये रिहिस: पबितर-स्थान के सेकेल के मुताबिक एक सौ तीस सेकेल के चांदी के एक ठन थाली अऊ सत्तर सेकेल के छिंचनेवाला एक ठन चांदी के कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;

⁷⁴ धूप ले भरे, दस सेकेल के एक ठन सोन के धूपदान;

⁷⁵ होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;

⁷⁶ पाप-बलिदान बर एक ठन बोकरा;

⁷⁷ अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला। येह ओकरान के बेटा पगीएल के चढ़ावा रिहिस।

⁷⁸ बारहवां दिन नपताली के मनखेमन के अगुवा एनान के बेटा अहीरा अपन चढ़ावा लानिस।

⁷⁹ ओकर चढ़ावा ये रिहिस: पबितर-स्थान के सेकेल के मुताबिक एक सौ तीस सेकेल के चांदी के एक ठन थाली अऊ सत्तर सेकेल के छिंचनेवाला चांदी के एक ठन कटोरा; अन्न-बलिदान के रूप म ये दूनों चीज जैतून तेल ले सने उत्तम पीसान ले भरे रिहिन;

⁸⁰ धूप ले भरे, दस सेकेल के एक ठन सोन के धूपदान;

⁸¹ होम-बलिदान बर एक ठन बछवा, एक ठन मेढ़ा अऊ एक साल के एक ठन मेढ़ा-पीला;

⁸² पाप-बलिदान बर एक ठन बोकरा;

⁸³ अऊ मेल-बलिदान चघाय बर दू ठन बईला, पांच ठन मेढ़ा, पांच ठन बोकरा अऊ एक-एक साल के पांच ठन मेढ़ा-पीला। येह एनान के बेटा अहीरा के चढ़ावा रिहिस।

⁸⁴ जब बेदी के अभिसेक करे गीस, त ओकर समरपन बर इसरायली अगुवामन के ये चढ़ावा रिहिन: चांदी के बारह थाली, छिंचे बर चांदी के बारह कटोरा अऊ सोन के बारह धूपदान।

⁸⁵ हर चांदी के थाली के वजन एक सौ तीस सेकेल, अऊ हर छिंचनेवाला कटोरा के वजन सत्तर सेकेल रिहिस। पबितर-स्थान के सेकेल के मुताबिक, जम्मो चांदी के बरतन के वजन दू हजार चार सौ सेकेल रिहिस।

⁸⁶ पबितर-स्थान के सेकेल के मुताबिक, धूप ले भरे बारह सोन के धूपदान म ले हर एक के वजन दस सेकेल रिहिस। जम्मो धूपदान के वजन एक सौ बीस सेकेल रिहिस।

⁸⁷ होम-बलिदान बर पसुमन के कुल संखिया ओमन के अन्न-बलिदान के संग बारह ठन बछवा, बारह ठन मेढ़ा अऊ एक-एक साल के बारह ठन मेढ़ा-पीला रिहिस। पाप-बलिदान बर बारह ठन बोकरा के उपयोग करे गीस।

⁸⁸ मेल-बलिदान चघाय बर पसुमन के कुल संखिया चौबीस ठन बईला, साठ ठन मेढ़ा, साठ ठन बोकरा अऊ एक-एक साल के साठ ठन मेढ़ा-पीला रिहिस। बेदी ला अभिसेक करे के बाद, ओकर समरपन बर येमन ओकर चढ़ावा रिहिन।

⁸⁹ जब मूसा ह यहोवा ले गोठियाय बर मिलापवाला तम्बू के भीतर गीस, त करार कानून के सन्दूक ला ढंके पछताप ढकना के ऊपर दूनों करूबमन के बीच ले ओला गोठियाय के अवाज सुनाई दीस। ये किसम ले यहोवा ह मूसा ले गोठियाईस।