फलिपी INTRO1 - जीवन को च्यानणो (सेकावाटी नया नियम की पोथ्या)जाणकारी रोम परदेस क मकीदुनिया म, पोलुस की बसाएड़ी युरोप की भौम म पेली बिस्वासी मंडळीनै आ चिठी मांडी गई ही। जद पोलुस जेळ म हो बि टेम का आ चिठी मांडी गई ही, अर बा दिना म मसी को काम करबाळा दुसरा बिस्वासी बिनै दिन घालर्या हा अर फलिपी बिस्वासी मंडळी म गळत सीख फेलगी ही। इ बजेऊँ बो बोळो दुखी हो। इकै पाछै बी आ चिठी राजी-खुसी अर भरोसानै दिखावै ह, जिनै खाली ईसु मसी म पोलुस का उंडा बिस्वासऊँई समज्यो जा सकै ह। फलिपीया का मसी बिस्वासी पोलुसनै जुर्त की चिजा भेंट करी ही इ बजेऊँ बाको धनेवाद करबा ताँई पोलुस आ चिठी मांड्यो हो। बो इ मोका को फाईदो बानै आसबासन देबा ताँई उठावै जिऊँ बे बिका अर सागै की सागै खुदका सगळा दुख-तकलिफा म हिमत अर भरोसो राखै। गरज अर गुमान की झघा ईसु का नरम सुभावनै लेबा की पोलुस बाऊँ अरदास करै ह। बो बानै याद दिलावै की मसी म बाको जीवन परमेसर की दया को दान ह जखो यहूदि नेम-कायदानै मानबाऊँ कोनी मिल्यो पण बिस्वास करबाऊँ मिल्यो ह। बो बि राजी-खुसी अर स्यांती क बारां म मांडै ह जिनै परमेसर बा मिनखानै देवै ह जखा मसी क सागै एको कर जीवै ह। फलिपी की बिस्वासी मंडळीऊँ पोलुस का उंडा प्यार-परेम को बेरो इ चिठीऊँ चालै ह। मसी बिस्वास अर जीवन म राजी-खुसी, भरोसो, एको अर मसी म बण्यो रेह्बा प जोर देणो इ चिठी की खासीयत ह। रूपरेखा राजी-खुसी का समचार। (1:1–11) पोलुस का दिनमान। (1:12–23) मसी म जीवन। (1:24—2:18) तिमूतियूस अर इफरूदितुस ताँई काम जचाबो। (2:19–30) बेरी अर तुम्ता क खिलाप चेताणो। (3:1—4:9) पोलुस अर बिकाळा फलिपी भाईला। (4:10–20) चिठी बंद करबो। (4:21–23) |
(c) 2010-2017, New Life Computer Institute. All rights reserved