फिलिपियों INTRO1 - नुवो नेम (मेवड़ी नया नियम)हेंद-पेचाण फिलिप्पियो के नाम थरप्या तका पोलुस को कागद युरोप में बणईगी पेली मण्डली का वाते लिकी गी ही। जिंने पोलुस बणई ही। वा रोमी राज का मकिदुनिया में ही। ओ कागद वीं टेम में लिक्यो ग्यो हो जद्याँ पोलुस जेल में बन्द हो। अन जद्याँ वो दूजाँ मसी मनकाऊँ आपणाँ विरोद का मस परेसान अन फिलिप्पी मण्डली में बुरी हिक की वजेऊँ दकी हो। पच्छे भी ओ कागद एक आणन्द अन मिटोपणो बतावे हे जिंने ईसू मसी में पोलुस का गेरा विस्वासऊँईस हमज्यो जा सके हे। ओ कागद लिक्यो जाबा को खास कारण हो के, फिलिप्पियो का मसी मनकाँ ने धन्नेवाद देणो, अन वणी भेंट का वाते ज्या वणा पोलुस के जरुरत की टेम में खन्दई ही। वो अणी मोका को उपयोग वाँने धिज्यो देबा का वाते कर हे, ताँके वीं वींकी अन हातेई हाते खुद दक-तकलिप में वेबा पे भी हिम्मत अन भरोसो राके। वो वाँकाऊँ विनती करे हे के, वीं हवारत अन मेपणा का बदले ईसू की नरमाई को वेवार अपणावे। वो वाँने आद अवाड़े हे के, मसी में वाँको जीवन परमेसर का अनुगरे को एक दान हे। ज्यो वणा विस्वासऊँ पायो हे, ने के यहूदी वेवस्ता अन विदी-विदान को पालण करबाऊँ। वो वणी आणन्द अन सान्ती का बारा में लिके हे, जिंने परमेसर वणा मनकाँ ने देवे हे। ज्यो मसी में एकता को जीवन जीवे हे। मसी विस्वास अन जीवन में आणन्द, पकापणो, एकता अन धिज्या पे बल देणो अणी कागद को खास भाग हे। ओ कागद फिलिप्पियो की मण्डली का वाते पोलुस को गेरो परेम परगट करे हे। रूप-रेखा भुमिका 1:1–11 पोलुस की निजी टेम 1:12–23 मसी में जीवन 1:27—2:18 तिमुतियुस अन इपापरदितुस का वाते ओजणा 2:19–30 दसमणा अन खतरा का विरोद में चेतावणी 3:1—4:9 पोलुस अन वींका फिलिप्पी का हण्डाळ्याँ 4:10–20 आकरी बाताँ 4:21–23 |
(c) 2010-2017, New Life Computer Institute. All rights reserved