1 तिमुतियूस INTRO1 - नुवो नेम (मेवड़ी नया नियम)हेंद-पेचाण तिमुतियुस एक मोट्यार मसी हो, ज्यो एसिया माइनर को रेवासी हो। वींकी बई यहूदी अन बापू युनानी हो। वो पोलुस का परच्यार काम में वींको हण्डाळ्यो अन मदत करबावाळो हो। तिमुतियुस के नाम थरप्या तका पोलुस को पेलो कागद तीन खास बाताँ पे बच्यार करबा का वाते लिक्यो ग्यो हे। पेली बात, यो कागद मण्डली में जूटी हिक का विरोद में चेतावणी हे। वाँ हिक ज्या यहूदी अन जीं यहूदी ने हा वणा का भेळी ही। अणी धारणा का जस्यान ही के, भोतिक दनियाईस बुरी हे अन एक मनक के छाने को ग्यान अन कुई रिति-रिवाज, जस्यान कस्यी चिजाँ ने खाणी, ब्याव ने करणो। अस्यी बाताँ को पालण करबाऊँइस मनक मुगती पा सके हे। अणी कागद में मण्डली की देकरेक अन आरादना का बारा में हिक दिदी गी हे। अन हातेई हाते वणी वेवार को भी बखाण किदो ग्यो हे ज्यो अगुवाँ अन मदत करबावाळा का वाते जरूरी हे। आकरी में, तिमुतियुस ने आ सला दिदी गी हे के, वो कस्यान ईसू मसी को एक हव दास बण सके हे। अन दूजाँ विस्वास्याँ का समू का वाते वींकी कई-कई जिम्मेदारियाँ हे। रूप-रेखा भुमिका 1:1–2 मण्डली अन वींका अगुवाऊँ का बारा में सला 1:3—3:16 तिमुतियुस ने वींका काम का बारा में सला 4:1—6:12 |
(c) 2010-2017, New Life Computer Institute. All rights reserved