ᐃᓐᖏᕈᑎᑦ 127 - ᐊᒡᓔᑦ ᐃᑦᔪᕐᖕᓁᑦᑐᑦᓂᕐᑐᐃᓂᖅ ᒎᑎᐅᑉ ᐱᐅᔪᐊᓘᓂᖓᓂᒃ ᐃᓐᖏᕈᓯᖅ ᖁᒻᒧᑦ ᑕᑯᓴᕐᓂᕐᒧᑦ ᓲᓗᒨᓂᐅᑉ ᐃᓐᖏᕈᑖ 1 ᐊᑕᓂᐅᑉ ᐃᒡᓗ ᓴᓇᖏᑉᐸᒍ, ᑕᕝᕙ ᐃᒡᓗᓕᐅᕐᑐᑦ ᑕᒪᐅᖎᓐᓇᖅ ᐱᓇᓱᐊᕐᐳᑦ; ᐊᑕᓂᐅᑉ ᐃᒡᓗᒐᓮᑦ ᑲᒪᒋᖏᑉᐸᒋᑦ, ᑕᕝᕙ ᑲᒪᔨᐅᑉ ᐃᖅᑯᒪᓂᖓ ᑕᒪᐅᖎᓐᓈᕐᐳᖅ. 2 ᐊᑑᑎᖃᓐᖏᓚᖅ ᐅᓪᓛᒻᒪᕆᒃᑯᑦ ᒪᑭᓪᓗᓯ, ᐅᓐᓄᐊᓘᓕᕐᑎᓪᓗᒍ ᓯᓂᒐᓱᐊᓕᕐᓗᓯ, ᓂᕆᓗᓯᓗ ᓂᕆᔭᒃᓴᑦᓯᓐᓂᒃ ᐃᓱᒪᔮᕐᓗᓯ; ᐊᑕᓂᐅᑉ ᓇᒡᓕᒋᔭᓂ ᑐᓂᓯᕙᖕᒪᒋᑦ ᓯᓂᒃᑎᓪᓗᒋᑦ ᓱᓕ. 3 ᑕᑯᒋᑦ, ᓄᑕᖅᑲᑦ ᐊᑕᓂᕐᒥᑦ ᑐᓂᕐᕈᓯᐊᖑᕗᑦ, ᐃᒡᓕᐊᓪᓗ ᐱᕈᕐᑎᑕᖓ ᑖᑦᓱᒪᓐᖓᑦ ᓮᒻᒪᕐᑎᑕᐅᑦᔪᑕᐅᕗᖅ. 4 ᓲᕐᓗ ᖃᕐᔪᐃᑦ ᐊᔪᖏᑦᑐᐊᓘᑉ ᐊᒡᒐᖏᓐᓃᑦᑐᑎᑐᑦ, ᑍᒫᒃ, ᓄᑕᕋᕆᔭᐅᔪᑦ ᐅᕕᒃᑲᒧᑦ ᑍᒤᒃᑭᕗᑦ. 5 ᑐᓱᓐᓇᕐᐳᖅ ᐊᖑᑎᐅᑉ ᖃᕐᔪᖃᐅᑎᖓ ᖃᕐᔪᓂᒃ ᑕᑕᑦᑐᖅ! ᑕᕝᕙ ᑲᓐᖑᓱᒃᑎᑕᐅᓂᐊᓐᖏᓚᖅ ᐊᑭᕋᖏᑕ ᐃᑎᕐᑕᕐᕕᐊᓂ ᐅᖃᓪᓚᓕᕈᓂ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society