Nyuuth INTRO1 - JAM DE NHIALIC 2011ANYOOTH Awerek de Nyuuth ë gɛ̈ɛ̈r Jɔn, nyuuth aa gäär në akööl ɣɔn ye ë Kërthiaan yɔŋ në biäk de gämdɛn cï kek Yecu Kërtho gam ke ye Bɛ̈nydït. Kën ë tɔ awerek gäär ee luɔi bï yen kɔc cï gam gäm aŋäth ku riit keek piɔ̈ɔ̈th, ku ye keek yɔ̈ɔ̈k bïk ŋoot ke ke ye piɔ̈ɔ̈th adöt tëde Nhialic në akööl ke nuan ku yaaŋ. Biäkdït në awerekë yic, ade yic nyuuth ku nyuöth dïït cï käär në kɛ̈ɛ̈r cï Kërthiaan ɣɔn ë kɔn awerek kueen yökic. Ku aduëër aa këcïmoony tëde kɔc kɔ̈k. Ku në biäk de jam de kokdepiɔ̈u, ka lueel awerekë aye keek nyɔk yiic, ku nyɔk keek yiic në nyuuth juëc yiic. Cakaa nɔn de yen wuöc ye kɔc wuöc në wɛ̈ɛ̈r ye awerekë waar yic, këdïït lueel awerek atiëc ëgɔk: në kueer de Kërtho Bɛ̈nydït, Nhialic abï kɔc ke aterde tiam aläldïïtë raantök ayï Catan, ku abï kɔckɛn cï gam gäm dhuëëŋ në athiɛɛi de paannhial cï piac cak ku pinynɔm cï piac cak të cïï ë tiëm thök. Ka tɔ̈u Thïn Anyooth 1:1-8 Nyuuth tueŋ ku awereek gɛ̈ɛ̈rë ɣööt ke Nhialic kadhorou 1:9–3:22 Biöŋ de gäär de yic adɔ̈k kadhorou 4:1–8:1 Kɛŋ kadhorou 8:2–11:19 Ŋuäldït ku läi rac kaarou 12:1–13:18 Nyuuth juëc 14:1–15:8 Guöl kadhorou de agönh ë Nhialic 16:1-21 Riääk de Babilon, ku tiëm cï lɛ̈i tiaam, ku tiët alueeth, ku Jɔŋrac 17:1–20:10 Guiëërëlöŋ ciëën 20:11-15 Paannhial cï piac cak, ku pinynɔm cï piac cak, ku Jeruthalem cï piac cak 21:1–22:5 Thök 22:6-21 |
The Bible in Jieeng de Padang © The Bible Society in South Sudan, 2011.
Bible Society in South Sudan