फिलिप्पी 1 - चोखो समचार (ढुंढाड़ी नया नियम)

¹ फिलिप्पी नगर मं मसी ईसु का गठजोड़ मं रेबाळा सबळा परमेसर का पवितर मनखाओ अर बस्वास्या की टोळी की देखभाळ करबाळा अर सेवा करबाळाओ, म्हे ईसु मसी की सेवा करबाळा पौलुस अर तीमुथियुस, थान्अ यो कागद माण्ढ़र्या छा।

² थान्अ आपणा परम-पिता परमेसर अर परबु ईसु मसी की ओड़ी सुं दीया अर सांति मल्अ।

पौलुस की परातना

^3-5 जी दन थे चोखो समचार सुण्या उं दन सुं लेर आजताणी थे ई चोखा समचार का परचार मं म्हारो साथ दिया छो। ईकी बजेसुं म जद बी थान्अ याद करू छु थांक्अ ताणी आपणा परमेसर न्अ धन्यवाद देऊ छु। अर जद बी थां सबळा क ताणी परातना करू छु, राजी होर परातना करू छु।

⁶ मन्अ ई बात माळ्अ पूरो भरोसो छ क परमेसर ज्यो थांका बीच मं अस्यान का चोखा काम सरु कर्यो छ, बोई बीन्अ पूरो करबा ताणी ईसु मसी का पाछा आबा का दन ताणी बणाया रखाण्अलो।

⁷ थां सबळा का बारा मं म्हारो अस्यानको बच्यार सई छ क्युं क थे सबळा म्हारा मन मं बस मेल्या छो। अर जद म सांकळा सुं बन्धेड़ो छु या फेर चोखा समचार न्अ साबित अर पक्‍को करबा मं लागर्यो छु, थे म्हारी लार परमेसर की दियेड़ी सेवा मं सीरी छो।

⁸ परमेसर म्हारो गुवा छ क म मसी ईसु को परेम रांखर थां सबळा ताणी बाठनाळर्यो छु।

⁹ म याई परातना करतो रेऊ छु क थांको परेम सांचा ज्ञान अर समझ की लार लगतमार बढ़तो रेवे।

¹⁰ अर थे चोखा पारखी हो जावो जिसुं मसी का पाछा आबा का दन ताणी नरदोष अर चोखा मकसद मं रे सको।

¹¹ परमेसर की महमा अर बड़ाई क ताणी थांकी जन्दगी बां चोखा गुणा सुं भर जाव्अ ज्यांन्अ ईसु मसी देव्अ छ।

म्हारअ ताणी जीबो मसी छ

¹² फेर भायाओ, म थान्अ बताबो चाऊ छु क म्हारी लार ज्योबी होयो छो, बीसुं सांच्याई चोखो समचार फेल्यो छ।

¹³ अर रोमी राज महल का सबळा चोकीदारां अर दूसरा मनखा न्अ यो पतो पड़ग्यो क मसी को चेलो होबा की बजे सुंई म जैळ मं छु।

¹⁴ म्हारो जैळ मं सांकळ्या सुं बन्धेड़ो रेबा की बजेसुं परबु मं भरोसो रखाणबाळा घणा भाया की हिम्मत्त बड़गी। अर चोखा समचार न्अ बेधड़क सुणाबा क ताणी बांको धीरज बड़गो।

^15-16 हां एकात तो बळत अर बेर की बजेसुं मसी का बारा मं परचार करअ छ अर एकात चोखा मन अर परेम सुं या जाण'र करअ छ क म चोखा समचार न्अ साबित करबा ताणी सांकळ्या मं बन्धेड़ो छु।

¹⁷ अर एकात तो सांचा मन सुं कोन्अ पण खुदका फायदा ताणी मसी को परचार करअ छ अर सोच्अ छ क म्हारअ ताणी जैळ मं ओर कळेस पदा कर सक्अ।

¹⁸ कस्यान बी होवे मसी को परचार तो होर्यो छ, चाये भला मकसद सुं या फेर बरा मकसद सुं। ई बात सुं म राजी छु अर राजी रेऊला।

¹⁹ क्युं क म जाणु छु क थांकी परातना सुं अर ईसु मसी की आत्मा की सायता सुं म्हारी आजादी होव्अली।

²⁰ म्हारी मंसा अर आसा याई छ क म कद्‍या बी नरास कोन्अ होउं पण पूरी हिम्मत रखाणु। जस्यान मसी की महमा सदाई म्हारी काया सुं होव्अ छी वस्यानई अब बी होती रेव्अ। छाये म जिऊ छाये मरूं।

²¹ म्हारअ ताणी जीबा को मतबल मसी छ, अर मरबो नफा की बात छ।

²² म जाउलो तो ओर बी भलो काम करूलो, पण मन्अ यो समझमे कोन्अ आर्यो क म कसी बात न्अ चुणु, मोत न्अ या फेर जन्दगी न्अ।

²³ या दोन्या मं सुं एक न्अ चुणबा मं मन्अ कसमकस होरी छ। म म्हारी जन्दगी सुं बद्‍या होर मसी कन्अ जाबो चाऊ छु क्युं क वो म्हारअ ताणी साऊटो चोखो छ।

²⁴ पण म्हारो जीवतो रेबो थांक्अ ताणी जरूरी छ।

²⁵ म ईन्अ चोखा जाणु छु क म अण्डअ'ई रेऊलो अर बस्वास मं थान्अ बड़ाबा अर उछ्‍याव ताणी थां सबळा की लार रेऊलो।

²⁶ जिसुं जद म थां कन्अ पाछो आंउलो तो थान्अ म्हारी बजेसुं मसी ईसु माळ्अ घमण्ड करबा की ओर बजे मल्अली।

²⁷ थे थांकी जन्दगी न्अ मसी का चोखा समचार की सीख की जस्यान जीओ। जिसुं म थांका बारा मं यो सुण सकुं क थे एक मन सुं अर एक मकसद सुं मजबूत होर चोखा समचार का बस्वास ताणी बाथेड़ो करर्या छो। चाये म थांक्अ सांकड्अ आंउ या कोन्अ आंउ।

²⁸ अर कोई बी बात मं थांका बिरोध्या सुं डरपो मत। यो ई बात न्अ साबित करअ छ क थे तो बच जावला अर वांको नास हो जावेलो। क्युं क यो परमेसर की ओड़ी सुं छ।

²⁹ क्युं क मसी की ओड़ी सुं थान्अ खाली बी माळ्अ बस्वास करबा कोई कोन्अ पण बी ताणी दुख उठाबा को बी सोभाग दियो गियो छ।

³⁰ थे बी बियान् की रयाड़ लड़रया छो जीन्अ लड़ता होया थे मन्अ देख्या छो। अर अब बी थे सुणरया छो क म अब बी बीन्अ लड़र्यो छु।