A Ɛsɩtɛɛr sɛbɛ na sɛb'ɩ a gɩrɛkɩ kɔkɔr a 10 - A SƐB-SÕW

A Maadose zánʋ pɛr

¹ A nãà Artazɛrsɛsɩ tɩ sɛb'ɩ nɛ́ɛ a ʋ naalʋ-tẽw loge za ƴãw, a loge al na be a naalʋ-tẽw pʋɔ a, nɩ a al na be a kʋ̃ɔ-kpɛ̃ɛ nʋɔr a.

² Bɛ tɩ manɩ nɩ a ʋ tõ-bɛrɛ za, a dɛblʋ ʋ na dɩ a, a ʋ naalʋ-tẽw yúor na yi a, a ʋ naalʋ-tẽw naalʋ, bɛ tɩ sɛb'ɩ a za ƴãw a Pɛrsɩ nɩ a Medi na-mɩnɛ Yele-sɛbɛ pʋɔ k'aa nɩbɛ taa yiire a bɛrɛ ɩ.

³ A nãà Artazɛrsɛsɩ yúor ƴãw n'a a Maadose mɩ́ tɩ maalɛ a yele. A Maadose tɩ ɩ n nɩ-yúor a naalʋ-tẽw pʋɔ, ɛ́ a Zifʋ mɩnɛ tɩ ƴãwnɛ ʋ yaga yaga za. A ʋ tẽ-bi-taabɛ za tɩ nɔnɛ ʋ na, ʋʋ tɩ manɛ nɩ a lɛ na ɩrɛ a kʋ̀rɛ bɛ.