NYA TSƆƆMI
A ngma womi nɛ ɔ be mi nɛ a ngɛ Kristo se nyɛɛli ɔmɛ yi mi wae wawɛɛ ngɛ hemi kɛ yemi nɛ a ngɛ ngɛ Yesu Kristo mi kaa lɛ ji Nyɔmtsɛ ɔ he. Womi ngmalɔ ɔ ngma womi nɛ ɔ titli nɛ e kɛ wo nihi nɛ maa kane ɔ he wami ke a ngɛ mɛ konɛ yi mi wae jio, a ngɛ nɔ nae jio, a ngɔ a hɛ ngɔ fɔ Mawu nɔ, nɛ a ye lɛ anɔkuale daa.
Nina kɛ níhi babauu nɛ a je tsɔɔ Yohane titli lɛ ngɛ womi nɛ ɔ mi. A ngɔ okadi komɛ kɛ tsɔɔ ní nɛ ɔmɛ a sisi bɔ nɛ blema Kristo se nyɛɛli ɔmɛ ma nyɛ maa nu sisi hluu, se ni kpahi lɛɛ laami sane ji ní nɛ ɔmɛ kɛ ha mɛ. A gu nina slɔɔtohi a nɔ kɛ ti munyu oti ɔmɛ a mi si abɔ ngɛ womi nɛ ɔ mi. Bɔ nɛ sa kaa a tsɔɔ womi ɔ sisi fitsofitso ɔ be tɛ kake nɔ; nihi slɔɔtoslɔɔto hɛɛ juɛmi munomuno ngɛ he. Se nɔ́ pɔtɛɛ nɛ jeɔ kpo paa ngɛ womi ɔ mi ji kaa nyagbenyagbe ɔ, kɛ gu Nyɔmtsɛ Kristo nɔ ɔ, Mawu maa ye he nyɛli ɔmɛ tsuo a nɔ butuu; e maa ye Abosiami hu nɔ ja nɔuu. Ke Mawu ye kunimi ɔ gbe nya a, lɛ nitsɛ e nihi nɛ yeɔ lɛ anɔkuale ɔ, e maa gbaa mɛ babauu; e ma ha mɛ hiɔwe he, kɛ zugba he. Hiɔwo nɛ a ma na ji nɛ ɔ nɛ.
Bɔ nɛ a dla womi ɔ mi ha
Sisije 1.1-8
Kekleekle nina, kɛ womihi nɛ a ngma asafo kpaago ɔmɛ 1.9—3.22
Womi kpo kɛ e nya sɔumi nɔ kpaago ɔ 4.1—8.1
Titimati kpaago ɔmɛ 8.2—11.19
Sinɔ ngua a, kɛ lohwe awi yeli enyɔ ɔmɛ 12.1—13.18
Nina munomunohi 14.1—15.8
Sowe kpaago ɔmɛ nɛ daa si kɛ ha Mawu mi mi fumi ɔ 16.1-21
A kpata Babilon hɛ mi, nɛ a ye lohwe awi yelɔ ɔ, kɛ lakpa gbalɔ ɔ, kɛ Abosiami a nɔ kunimi 17.1—20.10
Nyagbe kojomi 20.11-15
Hiɔwe he, zugba he, kɛ Yerusalem he 21.1—22.5
Nyagbe 22.6-21
