يُونُسَ 2 - دٜڢْتٜرٜ اَللَّه ڢُلْڢُلْدٜ عَدَمَوَ

تٛرْندٜ يُونُسَ ندٜرْ رٜىٰدُ لِينغُ

¹ جَوْمِرَاوٛ عُمْرِ لِينغُ مَنغُ، نغُ مٛطِ يُونُسَ؞ يُونُسَ وَطِ ندٜرْ رٜىٰدُ لِينغُ نغُعُ ࢩَلَوْمَاجٜ تَتِ عٜ جٜمَّاجٜ تَتِ؞

² ندٜرْ رٜىٰدُ لِينغُ، عٛتٛرِ اَللَّه جَوْمِرَاوٛ،

³ عٛوِعِ‏: «ندٜرْ ࢡِلَّارٜ عَمْ مِتٛرِ مَ، يَا جَوْمِرَاوٛ، عَنْ بٛو عَجَابِ يَمْ؞ ندٜرْ رٜىٰدُ جٛوندٜ مَايْࢡٜ عٜوْنِيمِ، عَنْ عَنَنِ تٛرْندٜ عَمْ؞

⁴ عَسَکِّنِ يَمْ ندٜرْ رٜىٰدُ مبٜىٰلَ، حَا نٛکُّورٜ ࢡُرْندٜ لُغُّغٛ، ندِيَمْ تَارِ يَمْ؞ ࢨُوغٜ مَ عٜ عِلَمْجِ مَ ڢُو شَالِ دٛوْ عَمْ؞

⁵ مِنُمِ عَوُدِنِ يَمْ، عَرِيوِ يَمْ يٜىٰسٛ مَاطَ؞ عَمَّا مِتٛکّٛتٛ لَارُغٛ غَلْ حَيْکَلِيرُ مَ سٜنِيندُ؞

⁶ ندِيَمْجِ نجٛتِّ دَاندٜ عَمْ؞ سٜطَّ مبٜىٰلَ مٛطَ يَمْ، ࢩِࢡْرٜ لُغّٜىٰنغَ مبٜىٰلَ سُدِّ يَمْ، حُطٛ مبٜىٰلَ تَارِ حٛورٜ عَمْ؞

⁷ حَا شَࢡَّاجٜ کٛوسٜىٰجٜ ندٛعِّيمِ، جَمْطٜ ݠَلْدُطٜ لٜسْدِ مَࢡِّ دٛوْ عَمْ حَا ڢٛرٛيْ؞ عَمَّا عَوُرْتِنِ يٛنغْکِ عَمْ دِغَ حَلْکٜرٜ، يَا اَللَّه جَوْمِرَاوٛ عَمْ؞

⁸ ندٜ يٛنغْکِ عَمْ تَمْݠِ ندٜرْ عَمْ، مِسِڢْتٛرِ مَ؞ تٛرْندٜ عَمْ يٛتِّ مَ ندٜرْ حَيْکَلِيرُ مَ سٜنِيندُ؞

⁹ حَکِّلَنٛوࢡٜ لَبِّ مٜىٰرٜىٰجِ عَشِّ غٛونغَاکُ مَࢡّٜ حٜىٰدِ مَ؞

¹⁰ عَمَّا مِنْ مِلِيعَنْتٜ کِرْسٜتٜىٰطِ، بٜى غِمٜ غٜتّٛوجٜ؞ مِحٛکَّنْ کٛ تٛغِيمِ؞ کِسْندَمْ طٛنْ حَا جَوْمِرَاوٛ‏!»

¹¹ ندٜنْ جَوْمِرَاوٛ عُمْرِ لِينغُ غٛ، نغُ تُوتِ يُونُسَ حَا لٜسْدِ؞