Online Bible

Markôs 8 - Bunong

ឞ្រាសយេឆូ ឆ្យាម់ ៤០០០ នុយ្ស
( មថ ១៥:៣២-៣៩ )

¹ នោកនៃគែសដ៝ង់ផូងប៝នលានអ៝ក់ងាន់ហាន់គុរាគូមឞាល់ជឹត។ ខាន់ពាង់មោគែសអោសនទើមាឆោងឆា នទ្រីឞ្រាសយេឆូ ក្វាល់មពោលអ៝សម៝នពាង់ ពាង់លាស៖

² “គ៝ប់យោៈងាន់មាផូងប៝នលាននៃ ខាន់ពាង់គុនទ្រែលគ៝ប់លែៈពែនារហើយ នទើមាឆោងឆាមោគែសដ៝ង់។

³ លាសគ៝ប់ដាៈខាន់ពាង់ព្លឹឆឹតនទុលទើម រាគាញ់ចោតរ៝ៈត្រ៝ងរ៝។ ឞូអាបាៈឞ្រោៈតាៈឞើសប៝នងាយៗ”។

⁴ មពោលអ៝សម៝នអើសលាស៖ “តាអ្យារាង៝តរាងាត់ អាសនតុកជ៝យនទើមាអ៝ន់ខាន់ពាង់ឆោងឆាមាត៝ង់?”

⁵ ឞ្រាសយេឆូ អោបខាន់ពាង់៖ “នទ្រីខាន់មៃទាសអ៝ក់គែសនុមពាង់ហាៈ?” “គែសពើសមល៝ម់”។

⁶ ជេសរីឞ្រាសយេឆូ ដាៈផូងប៝នលានគុរើបគើបតានែសរី ពាង់ឆ៝ៈនុមពាង់ពើសមល៝ម់នៃ មឞើសឆើមលាសអ្វែសមាកោរាញឞ្រាស ពាង់គិចអ៝ន់មាមពោលអ៝សម៝នពាៈមាផូងប៝នលាននៃ ជេសរីខាន់ពាង់ជានកើតនៃ។

⁷ គែសកាជេៈអាបាៈដ៝ង់ នទ្រីឞ្រាសយេឆូ មឞើសឆើមលាសអ្វែសមាកោរាញឞ្រាស ជេសរីដាៈមពោលអ៝សម៝នពាៈកាអីនៃអ៝ន់មាផូងប៝នលាន។

⁸ ជេសជាននទ្រីលែៈខាន់ពាង់ឆាហើមរោចដ្ហោច ជេសរីរាគូមនុមពាង់ នទ្រែលមាកាអីរាមែសនៃគែសពើសឆាស។

⁹ ទឹងលែៈឞូនុយ្សតានៃនើសអ៝ក់ ៤០០០ នុយ្ស។ ជេសឞើសនៃឞ្រាសយេឆូ ដាៈខាន់ពាង់ព្លឹឆឹតអាជៃរី។

¹⁰ ទូនទ៝ម់ឞើសកើយនៃ ពាង់ញច៝ទូកនទ្រែលមពោលអ៝សម៝នពាង់ហាន់ជឹតឞ្រីដាល់មានូថា ។

ផូង ផារីឆី អុចឆៃនាវមឞេន
( មថ ១៦:១-៤ )

¹¹ ជេសខាន់ពាង់ត៝ត់តារី ផូងផារីឆី លែវឞាល់ម៝ប់ឞ្រាសយេឆូ តឹមរាលាច់មាពាង់ ដាៈពាង់ជានទូនាវមឞេនអ្វែសអ៝ន់គឹតនហេលលាសពាង់ទើននាវទើយតាៈឞើសកោរាញឞ្រាស។

¹² ជេសតាង់នាវខាន់ពាង់ដាៈនៃ ឞ្រាសយេឆូ ញឆោរនហ៝ម់ក្វ៝ង់អ្យហូត ជេសរីលាស៖ “មើមទឹងឞូនុយ្សតារានោកអាបៃអ្យាអុចគឹតឆៃនាវមឞេនកើតរី? គ៝ប់លាសនហេលនានេៈងាន់មាខាន់មៃ កោរាញឞ្រាសមោអោសអ៝ន់ឆៃនាវមឞេនមាឞូនុយ្សរានោកអាបៃអ្យា”។

¹³ ជេសរីឞ្រាសយេឆូ ទូឞើសខាន់ពាង់នៃ ញច៝ទូកហាន់តៃជឹតមពែសកាល់តីរី។

នាវនតីមានទ្រូយផូង ផារីឆី នទ្រែលមាកោរាញម៝ត់អ្វាញ់ ហេរោត-អ៝ន់តីពាស
( មថ ១៦:៥-១២ )

¹⁴ ជេសរីមពោលអ៝សម៝នលែៈច្វេលញអោតនុមពាង់ តាទូកនៃគែសទូមល៝ម់នុមពាង់ទើម។

¹⁵ ជេសរីឞ្រាសយេឆូ ងើយងកាសមាខាន់ពាង់៖ “អ៝ន់ខាន់មៃញជ្រាង់ងាន់មានទ្រូយផូងផារីឆី នទ្រែលមានទ្រូយកោរាញម៝ត់អ្វាញ់ហេរោត-អ៝ន់តីពាស ដ៝ង់”។

¹⁶ មពោលអ៝សម៝នងើយនទ្រាង់ខាន់ពាង់នើម៖ “ពាង់ងើយកើតនៃអាចឞ៝ន់មោគែសនុមពាង់ទើមមោ?”

¹⁷ ឞ្រាសយេឆូ គឹតនាវខាន់ពាង់ងើយ ពាង់លាស៖ “ម៝សងើយខាន់មរែនាវមោគែសនុមពាង់នៃ? ខាន់មៃមោឆៃអ្យាត់ មោឆៃគឹតវ៝ត់នាវដ៝ង់? ខាន់មៃហោមទាង់ក៝បាស?

¹⁸ ខាន់មៃគែសទើមត្រោមមាត់អ្វាញ់មោឆៃ គែសទើមតោរអ្យាត់មោតាង់បាស? នទ្រីខាន់មៃលែៈច្វេលបាស‌

¹⁹ នោកគ៝ប់គិចព្រាម់មល៝ម់នុមពាង់ពាៈអ៝ន់មាឞូនុយ្ស ៥០០០ នុយ្សនើស? ជេសរីខាន់មៃរាគូមនុមពាង់អីរាមែសនើសទាសអ៝ក់ហោម?” ខាន់ពាង់អើសលាស៖ “១២ ឆាស”។

²⁰ “នទ្រីនោកគ៝ប់គិចនុមពាង់ពើសមល៝ម់ពាៈអ៝ន់មាឞូនុយ្ស ៤០០០ នុយ្សនើស ខាន់មៃរាគូមទាសអ៝ក់ហោម?” ខាន់ពាង់អើសលាស៖ “ហោមពើសឆាស”។

²¹ ជេសរីឞ្រាសយេឆូ លាសមាខាន់ពាង់៖ “មើមខាន់មៃអេហ៝ៈគឹតវ៝ត់ដ៝ង់?”

ឞ្រាសយេឆូ ជានឞាសទូហ្វេឞូក្លោចែសមាត់

²² ជេសរីឞ្រាសយេឆូ នទ្រែលមាមពោលអ៝សម៝នត៝ត់តាប៝នបេតឆៃដា ។ តានៃគែសឞូលែវទូហ្វេឞូក្លោចែសមាត់ហាន់តាពាង់ ជេសរីឞ៝ញដាៈពាង់ពាសឞូក្លោអីនៃ គៃមាឞាសនាវជី។

²³ ជេសរីពាង់តេកតីឞូក្លោអីចែសមាត់នៃ លែវហាន់លោសឞើសទីសប៝ន ពាង់ឆ៝សទាកទីវមហឹងកាលើត្រោមមាត់ នហ៝មាតេៈតី ជេសរីអោបពាង់៖ “មៃលែៈឆៃនទើឞើស?”

²⁴ ឞូក្លោអីនៃងើកអ្វាញ់ មឞើសលាស៖ “គ៝ប់ឆៃឞូនុយ្សឞ្រោៈងគូយងគាយ អ្វាញ់ខាន់ពាង់តឹមឞានមាតើមឆី”។

²⁵ ឞ្រាសយេឆូ តេៈតីកាលើត្រោមមាត់ពាង់ទូតឹជឹត ជេសរីពាង់អ្វាញ់ឆៃទឹងលែៈនទើក្ល៝សរាសវាស ត្រោមមាត់ពាង់លែៈឞាសងាន់រ៝។

²⁶ ជេសរីឞ្រាសយេឆូ ដាៈពាង់៖ “មៃឆឹតឞ្រ៝ង់អាជៃមៃនើមរី លើយទឹងលាប់រ៝ៈប៝នយឹ”។

ឞ្រាសយេឆូ នតីមានាវតឹង ពាង់
( មថ ១៦:១៣-២០ ; លក ៩:១៨-២១ )

²⁷ ជេសរីឞ្រាសយេឆូ នទ្រែលមាមពោលអ៝សម៝នពាង់លោសឞើសនៃ ហាន់តាប៝នអេងៗទាច់ដាសប៝នក្វ៝ង់ឆេឆារា-ផីលីប ។ នោកហាន់រ៝ៈត្រ៝ងពាង់អោបខាន់ពាង់៖ “អាមើមឞូលាសគ៝ប់?”

²⁸ មពោលអ៝សម៝នអើសលាស៖ “អាបាៈលាសមៃជេងយោហាន-បាប់តែម អីលែៈទ៝ក់រេស អាបាៈលាសជេងអេលីយា អីឞូនុយ្សនតើយ្សនាវងើយកោរាញឞ្រាសកាល់អែនើសលែៈព្លឹតាអ្យា អាបាៈជឹតលាសមៃជេងទូហ្វេឞូនុយ្សអីអេងនើមនតើយ្សនាវងើយកោរាញឞ្រាសកាល់អែនើសលែៈទ៝ក់រេស”។

²⁹ ជេសរីឞ្រាសយេឆូ អោបមាខាន់ពាង់នើម៖ “នទ្រីខាន់មៃលាសគ៝ប់ឞូម៝សហាៈ?” ពេត្រោស អើសមាពាង់៖ “មៃអីឞ្រាសក្រីស អីនើមរាក្លាយ្សតាៈឞើសកោរាញឞ្រាសទែញជ្វាល់ងាន់!”

³⁰ ជេសរីឞ្រាសយេឆូ ឞ្វៃមពោលអ៝សម៝ន មោអោសអ៝ន់ខាន់ពាង់ងក៝ចនាវនៃមាឞូ។

³¹ ជេសរីឞ្រាសយេឆូ នតើមនតុមនតីមាមពោលអ៝សម៝នពាង់នៃ ពាង់លាស៖ “គ៝ប់អីក៝នឞូនុយ្សតាៈឞើសកោរាញឞ្រាស មោអោសទើយក្លាយ្សគែសនាវជេរជ៝ត់ទុតហោងាន់។ មពោលឞូរាញ មពោលកោរាញជានឞ្រាស នទ្រែលមាផូងនើមនតីនាវវៃឞ៝ន់មអារ់លើយគ៝ប់ នហ៝មាងខឹតគ៝ប់ដ៝ង់ យើនមាត៝ត់ពែនារឞើសកើយគ៝ប់ទ៝ក់រេសតៃ”។

³² ពាង់ងក៝ចមាខាន់ពាង់ឆ៝ង់ៗងាន់ មោគែសអោសពោនម៝។ ជេសរីពេត្រោស ជាៈឞ្រាសយេឆូ ហាន់នតុកអេងបាសមាឞូ ជេសរីឞ្វៃពាង់លើយតាងើយកើតនៃ។

³³ ឞ្រាសយេឆូ រាលែអ្វាញ់ជឹតមពោលអ៝សម៝ន ជេសរីពាង់លាសពេត្រោស ៖ “ហើយឆាតាង់ មៃទូងាយឞើសគ៝ប់ហ៝ម់ នាវមឹនមៃមោទីដាសនាវមឹនកោរាញឞ្រាស អោស នាវមឹននៃតាៈឞើសឞូនុយ្សទើម”។

³⁴ ជេសរីឞ្រាសយេឆូ ក្វាល់ផូងប៝នលាន នទ្រែលមាមពោលអ៝សម៝ន ពាង់លាសមាខាន់ពាង់៖ “ឞូម៝សពាង់អីអុចតឹងគ៝ប់ អ៝ន់មអារ់លើយនទើឆាក់ពាង់នើមអុច ជេសរីតូយឆីតឹមរាកាង់ពាង់នើម ជេងគែសនាវខ្លៃអ្យាត់នាវគ៝ប់ ឞ៝លលាសត៝ត់ខឹតឆាក់កាដោយ រីមើទើយតឹងគ៝ប់ងាន់។

³⁵ យ៝រលាសឞូម៝សអីកើបអេងនាវរេសពាង់នើមខ្លៃរាលាវ ពាង់អីនៃមោអោសគែសនាវរេសនហ៝រ៝ យើនមាឞូម៝សខឹតយ៝រមាតឹងគ៝ប់ មោលាសយ៝រមានាវមហែមហានអ្វែស ពាង់អីនៃគែសនាវរេសនហ៝រ៝ងាន់តានារជឹតនាប់តៃ។

³⁶ លាសទូហ្វេឞូនុយ្សពាង់គែសទឹងលែៈនែសនតូអ្យាជេងទ្រាប់នទើពាង់នើមទាទេ តីសមាឆាក់ពាង់នើមខឹតរ៝សហេង មោអោសគែសនាវរេសនហ៝រ៝ នទ្រីម៝សគែសនាវខ្លៃមាពាង់?

³⁷ ឞូនុយ្សអើមទើយលាសឆ៝ៈទ្រាប់នទើមារាគ៝ល់នាវរេសពាង់នើមនហ៝រ៝?

³⁸ អាបៃអ្យាខាន់អៃមៃគុនទ្រែលឞូនុយ្សអ្យើសឞូនុយ្សតីសមោអ្យាត់នាវកោរាញឞ្រាស។ ឞូម៝សអីដីតព្រេងមោឞាញ់មឞើសពាង់តឹងគ៝ប់ ដីតព្រេងតឹងនាវគ៝ប់នតីដ៝ង់ លាសនទ្រីគ៝ប់អីក៝នឞូនុយ្សតាៈឞើសកោរាញឞ្រាសដីតព្រេងមោគឹតនាល់ពាង់អីនៃដ៝ង់តានារគ៝ប់ព្លឹវាច់ នអ៝ប់មាគែសនាវអ្វែសច្រេកលើបឞឹគ៝ប់ នទ្រែលមាផូងតោងពារ់ក្ល៝សអ្វែស”។

Wycliffe Bible Translators, Inc.