Ndrom Samƀŭt bơh Ôsê INTRO1 - Nau Brah Ndu Ngơi 2023Nau ngơi nhhơ Nơm mbơh lor Y-Ôsê mbơh nau mhe mhan ueh ta bri Israel mpeh pa lơ, pakơi nơm mbơh lor Y-Amôt, tâm rnôk êlor nau rai n'gor Samari ta năm 721 PNKB. Păng mĭn ntreng tât ma nau mbah rup brah jêh ri phung ƀon lan nau mâu tông bâr đah Kôranh Brah. Nơm mbơh lor Y-Ôsê mĭn saơ jru ngăn nau phung ƀon lan Israel mâu tông bâr đah Brah Ndu tâm ban nau nkol ur sai mâu ueh păng nơm đah du huê ur ka n'hong. Nâm bu ur păng hŏ ƀư mhĭk ma păng, tâm ban pônây lĕ phung ƀon lan Kôranh Brah hŏ mâu tông bâr jêh ri chalơi Păng. Yor nau aơ yơh, nau mhĭk mra tât ta Israel. Ƀiălah nau rŏng tâm Kôranh Brah mâu rgâl prăp ăn ma phung ƀon lan Păng mra dơi; Păng mra sŏk sĭt tay phung ƀon lan Păng jêh ri njêng tay nau tâm rnglăp đah khân păng. Nau rŏng aơ dơi mpơl ma lĕ rplay ngơi bêng ma nau rngot: “Hơi Ephraim, mâm Gâp dơi chalơi may? Hơi Israel, mâm Gâp janh ăn may ma phung rlăng? ... Play nuih Gâp mpât n'gơ ngăn! Nau yô̆ Gâp nâm bu duh nâm bu su” (11:8). KÔ̆ DĂP Nau nkol ur sai jêh ri rnăk vâl Y-Ôsê (1:1 – 3:5) Lĕ nau mhe mhan ueh tâm rdâng đah ƀon lan Israel (4:1 – 13:16) Nau mhe mhan ueh ma nau rmal nau tih jêh ri nau ton (14:1-9) |
© 2023 United Bible Societies. All rights reserved.
Bible Society Vietnam