Levitiku 5 - Bibilia Tapu

PENE V - 5

Ko te apaiia no te ara ke ke e manganui.

¹ KUA kite te tangata i te tuatua taputou ra, e kua riro aia ei kite, e kare aia e akakite i tana i akara e tana oki i kite ra, kua ara ïa aia, kua apai i te ara ki runga iaia uaorai;

² E kua tukia tetai tangata i te mea viivii ra, mei te manu taae viivii i mate ra, e te mea viivii e totoro aere ua i mate ra, e te ngaro ra iaia; kua viivii ïa aia, kua ara;

³ E kua tukia tetai tangata i te mea viivii no runga i te tangata nei, i te au mea viivii katoa e viivii ei te tangata nei, e te ngaro ra iaia; kia kite ra aia, kua ē ïa aia;

⁴ E kua taputou ua ra tetai tangata, i te tuatua anga o tona vaa e, e rave i te kino, e rave i te meitaki, i te au mea katoa e tuatua uaia e te tangata nei ma te taputou, e te ngaropoina ra taua mea ra iaia; kia kite ra aia e, kua ara aia i tetai i taua au mea ra;

⁵ E kua riro aia ei tangata ara i tetai o taua au mea ra: e aaki aia i reira i taua ara i raveia e ia ra:

⁶ E apai oki aia i tana tutakiangaara i tana ara i raveia e ia kia Iehova ra, ei ua no roto i te anana, ei punua mamoe, e kare ra, ei puakanio, ei tarangaara; e na te taunga e apai i te tapokiangaara i taua ara nana ra.

⁷ E kia kore e tika iaia kia apai mai i te punua mamoe e te puakanio, ei kukupa tana e apai mai kia Iehova kia rua ake, e kare ra, kia rua ake punua rupe, no tana ara i raveia e ia ra; ei tarangaara tetai, e ei atinga karakaratio tetai.

⁸ E apai akera aia i aua nga manu ra ki te taunga, e to te tarangaara ra tana e apai ana, ka kakini aia i tona mimiti i te pae i mua i te kaki, auraka ra e momotu taka ke atu.

⁹ E ka pîpî aia i tetai manga toto i taua tarangaara ra ki rungao i te pae o te atarau ra; e te toenga o te toto ra e akataʼe aia i te reira i te tumu o te atarau ra: e tarangaara oki te reira.

¹⁰ E apai oki aia i tetai ei atinga karakaratio, mei tei akonoia ra: e na te taunga e apai i te tapokiangaara nana, i taua ara i raveia e ia ra, e ka akakoreia tana ara.

¹¹ Kia kore ra e tika i taua tangata i rave i te ara ra kia apai mai i nga kukupa e rua, e nga punua rupe e rua ra, ei faraoa pueu tana e apai mai i tana apainga, okotai omera, ei tarangaara; auraka ra aia e riringi i te inu ki rungao, auraka katoa te tapou kakara; no te mea e tarangaara ïa.

¹² Ka apai ei aia ki te taunga ra, e na te taunga e rave i tetai manga i tona rima e kia ki, ei manakoanga, ka taʼu ei ki runga i te atarau, e te au atinga ai katoa a Iehova ra; e tarangaara oki te reira.

¹³ E na te taunga e apai i te tapokiangaara nana, i tetai i taua au ara i raveia e ia ra, e ka akakoreia tana ara: e te toenga o tei apaiia ra, na te taunga ïa, mei tei te atinga kai katoa ra.

¹⁴ Kua tuatua mairā Iehova kia Mose, na ko maira,

¹⁵ Kia rave tetai tangata i te ara, no te kite kore i ara ai, i te au mea tapu a Iehova ra; ei mamoe toa kino kore no roto i te anana tei tau ia koe i te meitaki, e kare ra, ei puke sekela ario i te sekela no te ngai-tapu ei tutakingaara, tana e apai kia Iehova ei tutakingaara:

¹⁶ E taua kino i raveia e ia i te au mea tapu ra, ei tutaki tana e apai mai, e e kapiti rai oki i tetai tuanga rima, ka apai ei ki te taunga ra; e na te taunga e apai i te tapokiangaara nana, i taua mamoe toa tutakingaara ra, e ka akakoreia tana ara.

¹⁷ Kua ara tetai tangata ra, kua rave i tetai mea i akakoreia e te au akaueanga katoa a Iehova; kare ua rai aia i kite, kua ara rai aia, e kua apai aia i tana uaorai ara:

¹⁸ Ei mamoe toa kino kore no roto i te anana tei tau ia koe i te meitaki ra, tana e apai ki te taunga ra, ei tutakingaara; e na te taunga e apai i te tapokiangaara nana i taua ara tana i rave ma te kite kore ra, e ka akakoreia tana ara.

¹⁹ Ko te tutakingaara teia: kua ara tika oki aia ia Iehova ra.