Levitiku 3 - Bibilia Tapu

PENE III - 3

E atinga au tana atinga, no roto i te puakatoro tana e rave, e te mamoe.

¹ E ATINGA au tana atinga, e no roto i te puakatoro tana e apai; ei toa kino kore, e kare ra, ei ua kino kore, tana e apai ki mua i te aroaro o Iehova ra.

² E tuku oki aia i tona rima ki runga i te mimiti o taua atinga nana ra, e ka ta aia i te reira i te ngutupa o te Are uipaanga ra: e na te au taunga ra, na te tamariki a Aarona, e pîpî i te toto ki rungao i te atarau e pini ua ake.

³ E ka apai aia i te tongaua no runga i te ngakau ra, e te tongaua katoa no runga i te au mea i roto ra, ei atinga ai na Iehova, no roto i taua atinga au ra.

⁴ E nga pukuatu ra, e te tongaua ki rungao, i te îo kaokao ra, e te ekaeka i rungao i te ate ra; e kiritiia ïa, e nga pukuatu katoa ra.

⁵ E na te au tamariki a Aarona e taʼu i te reira ki runga i te atarau, ei rungao i te atinga karakaratio, e vaoo i rungao i te vaie i runga i te ai; e atinga ai ïa, ei mea aunga kakara, na Iehova.

⁶ E atinga no roto i te mamoe ra tana atinga au e apai kia Iehova ra; ei toa kino kore, e kare ra, ei ua kino kore tana e apai.

⁷ E punua mamoe tana e apai ei atinga nana, e apai aia i te reira ki mua i te aroaro o Iehova ra;

⁸ E ka tuku aia i tona rima ki runga i te mimiti o tana ra atinga, e ka taia te reira ki mua: te Are uipaanga: e na te au tamariki a Aarona e pîpî i te toto ki rungao i te atarau e pini ua ake.

⁹ E ka apai aia i te iku matu katoatoa ra, ei te ope manu tikai kokoti ei; e te tongaua no runga i te ngakau ra, e te tongaua katoa no runga i te au mea i roto ra, ei atinga ai na Iehova, no roto i taua atinga au ra,

¹⁰ E nga pukuatu ra, e te tongaua ki rungao, i te îo kaokao ra, e te ekaeka i rungao i te ate ra; e kiritiia ïa, e nga pukuatu katoa ra;

¹¹ E na te taunga e taʼu i te reira ki runga i te atarau; e kai ïa no te atinga ai na Iehova.

¹² E e puakanio tana atinga, e apai aia i te reira ki mua i te aroaro o Iehova;

¹³ E ka tuku aia i tona rima ki runga i te mimiti, e ka taia te reira ki mua i te Are uipaanga: e na te au tamariki a Aarona e pîpî i te toto ki rungao i te atarau e pini ua ake.

¹⁴ E ka apai aia i te tongaua no runga i te ngakau ra, e te tongaua katoa no runga i te au mea i roto ra, ei atinga ai na Iehova, no roto i taua atinga nana ra.

¹⁵ E nga pukuatu ra, e te tongaua ki rungao i te îo kaokao ra, e te ekaeka i rungao i te ate ra; ka kiritiia ïa, e nga pukuatu katoa ra.

¹⁶ E na te taunga e taʼu i te reira ki runga i te atarau; e kai ïa no te atinga ai ei mea aunga kakara: na Iehova anake te tongaua.

¹⁷ E akonoanga tamou ïa, e ope ua ake to kotou au uki ra, i to kotou au nooanga katoa, ko te matu, ma te toto, auraka rava kotou e kai.