Mejô yʼatataʼa
Sôfôni nye a nga taté kulu mejô a Habakuk, bebé amane mimbu 700, Yésus a ngenane te bialé. Nkulane mejô wé ô nga boban valé Yôzias a ngenane teke mane kôme mam ma fombô mbunan avale kalate 2 Bb 23:1-28 a liti. Ejôé ya Yuda ki é tele minjuʼu été.
Nkulu mejô Sôfôni a yalan e bôte ba sili bebiene nsili wu na: Ye Zambe a nyoñe foʼo ngab a bôt a na ye nye foʼo a wulu nkañete ngum émo. Eyalane jé é ne nkatan a kate foé ya mame Zambe a ye bo:
1- Zambe a ye zu tyiʼi bôte ya Yuda a Yérusalém mejô (1:1–2:3);
2- A ye mane tyame meyoñ ma bômane Yuda 9 (2:4-15).
Mvus éte, a ye beta telé Yérusalém éyoñ a maneya vaa abé e ne été a liʼi bôt ba suu bebiene si be too fe azoé mbe be too été, nsôñan ô to wu ya tyendé ba bôtô ase ya si nyô (3:1-20).
Nkulu mejô Sôfôni a tuʼa nyiñ nlatan a Nye nge be nji taté mane vaa ba bese ba telé mfi wob ôsu e mame Zambe a sili ke mvus. Ve a liti étua nyeʼan e be ba bese ba suu bebiene si, (2:3; 3:12).
