TAKKIRA
Sa ma jok vun Lona Sofoni di boy mamma ni duk ɦoŋ basa 620-610 jew vuɗta vi Yesu Krist. Nam gijaŋŋa jew ni paɗ tlesuu fuli suu mulna Josiyas goɓosina ki tuwa, ni hu basa 621.
Hu magaa ndaɗta ni ay fi di mayra sa jok vun Lona di ana buu ma bara hinni na tok daŋ. Kay asi ka hoɓmi loogi suu daŋŋa na zeɗ zeɗ, Bu Suuna kaɓakŋa kay mbassa daŋga lay. Lini ɦoŋzi ma Yerusalemma ba ki lay ni, nam hin suɗ kiyo kay suu hoŋ yasi kaŋga u Lonna dew dew ka huna.
Magaara ndak a ɓorow ko wanda na
1. Buu ma kaɓakŋa vi Bu Suuna 1.1—2.3
2. Bara ba suu vok zina u suu Israelnana kira 2.4-15
3. Kaɓaakŋa u suɗta suɗ ɦoŋzi ma Yerusalemma kira 3.1-20
