Ester 10 - Bup Kudus

Pemesai Kuasa Serses Seduai Mordikai

¹ Raja Serses mejalka orang ke diau ba sebelah tebing tasik di menua ti dipegai iya, enggau orang ke diau di menua ulu, bekereja nyadi ulun.

² Semua utai ti besai sereta badas ti udah dikereja iya, enggau semua cherita pasal iya ke ngasuh Mordikai bekereja ba opis ti tinggi, bisi dituliska magang dalam cherita pasal raja besai menua Persia enggau Media.

³ Mordikai, ti bansa orang Judah, lalu nyadi lumur satu pemesai ari belakang Raja Serses empu. Iya dibasa sereta dikerinduka orang Judah ti bukai. Iya bekereja ke penguntung bansa iya empu, enggau ke pengelikun semua peturun sida.